Хадамоти марзбони Қирғизистон гузориши расонаҳои хабарӣ дар бораи вуруди ғайриқонунии чархболи Қирғизистон ба ҳарими ҳавоии Узбакистонро рад кардааст. Рӯзи чоршанбе хадамоти марзбони қирғиз изҳор намуд, ки 15%уми январ як чархболи қирғизӣ ба сокинони деҳаи қирғизии назди ноҳияи Сӯх-ҷазира-қаламрави Узбакистон дар хоки вилояти Ботканди Қирғизистон кумаки башарӣ интиқол дод. Ба қавли хадамот чархбол ягон лаҳза аз ҳарими ҳавоии Қирғизистон берун нашудааст. 5-6-уми январ бар асари як ҷанҷоли сокинони Сӯх бо марзбонони қирғиз камаш 5 сокини Сӯх ҷароҳат бардошта, наздик ба 30 мусофири қирғиз як рӯзро дар гарав гузаронданд. Рӯзи чоршанбе гаравгонҳои собиқ аз мақомоти Узбакистон ҷуброни хароҷоти тиббиашонро талаб карданд.