Раиси Кумитаи занони Тоҷикистон мегӯяд соли гузашта сатҳи ҷинояткорӣ миёни занони тоҷик афзоиш ёфтааст. Сумангул Тағоева, раиси Кумитаи занони Тоҷикистон, рӯзи 25 –уми январ зимни нишасти хабарӣ дар Душанбе гуфт, бо вуҷуди талошҳо дар соли 2012 мизони ҷинояткорӣ миёни занон афзоиш ёфтааст. Ба иттилои Тағоева соли 2012 занони тоҷик беш аз 864 адад ҷиноят содир кардаанд, ки нисбати соли пешӣ 172 ҳолат зиёдтар аст. Ӯ илова кард, ки занон дар Тоҷикистон асосан даст ба ҷиноятҳои иқтисодӣ, аз қабили дуздӣ ва қаллобӣ мезананд, ки сабабаш вазъи бади иҷтимоӣ ва нодорӣ мебошад.
