Пайвандҳои дастрасӣ

Хабари нав

Боздошти сокини Душанбе бо 400 ампулаи "Заҳри мор"


Акс аз бойгонӣ
Акс аз бойгонӣ

Вазорати умури дохилии Тоҷикистон мегӯяд, як ҷавони тоҷикро бо иттиҳоми қочоқи заҳри мор дастгир кардаанд. Вазорат рӯзи 12-уми ноябр бо нашри як хабари расмӣ гуфт, як сокини 39-солаи шаҳри Душанберо дар шаҳри Хуҷанд бо 400 ампулаи “Заҳри мор” дастгир карданд.

Дар баёния омадааст, ҷавон мехост, ин моддаи заҳролудро ба каси дигар бидиҳад. Ба зидди ин ҷавон бо иттиҳоми муомилоти ғайриқонунии моддаҳои сахттаъсир, ё заҳролуд парванда боз кардаанд.

Вазорат ному насаби ҷавон ва замони боздошти ӯро нагуфтааст, вале дар хабар омадааст, ки маълумотнома дар бораи “Заҳри мор” аз Институти кимиёвӣ аз рӯзи 5-уми ноябри имсол тартиб дода шудааст.

Дар Тоҷикистон чанд корхонаи ангуштшумори заҳри мор вуҷуд дорад, ки онро барои доруворӣ истеҳсол мекунанд ва ба хориҷ мефурӯшанд.

XS
SM
MD
LG