Пайвандҳои дастрасӣ

Хабари нав

Пешниҳоди ҳазорҳо доллар барои лонаи хаффош дар шабакаҳои иҷтимоӣ


Лонаи куршапарак
Лонаи куршапарак

Фаъолони муҳити зисти Узбекистон мегӯянд, музоядаеро, ки ҳаннотон барои фурӯши лонаи хаффош ё куршапарак дар шабакаҳои иҷтимоӣ ташкил кардаанд, хаффошҳоро аз макони зист маҳрум мекунад.

Дар бахшҳои узбекии шабакаҳои иҷтимоӣ ҳоло баҳсҳое идома доранд, ки гӯиё бо дарёфти лонаи хаффош метавон даромади ҳангуфте ба даст овард ва бархеҳо як лонаро аз 5 то 10 ҳазор доллар мехаранд.

Баъзеҳо ба ин гуфтаҳо бовар карда, ба ҷӯстуҷӯи лонаи кӯршапарак пардохтаанд. Онҳое, ки пайдо кардаанд, лонаҳоро аксу навор гирифта, дар шабакаҳои иҷтимоӣ нашр мекунанд.

Фаъоли ташкилоти ҳомии ҳайвонҳо - "Сайёраи зинда" дар шаҳри Тошканд Анастасия Ташилова аз маҳви лонаҳои кӯршапаракҳо ташвиш дорад. "Одамон ба ин гуфтаҳои беасос бовар карда, лонаҳои кӯршапаракҳоро вайрон мекунанд. Ба онҳо бовар накунед. Ин идеяи ҳаннотон ва фиребгарон аст", - мегӯяд Ташилова.

Бархе аз корбарони узбек мегӯянд, аз лонаи кӯршапарак барои табобати бемории саратон дору истеҳсол мешавад. Ҳарчанд дар ин бора иттилои қобили эътимод дастрас нест.

XS
SM
MD
LG