Пайвандҳои дастрасӣ

Хабари нав

Як сарбози Горди миллии Қазоқистон худро парондааст


Паради низомии нерӯҳои Қазоқистон
Паради низомии нерӯҳои Қазоқистон

Фармондеҳии минтақавии "Оңтүстік"- Горди миллии Қазоқистон хабар дод, ки як сарбозони ин ниҳод худро парондааст. Ҳодиса шаби сешанбе ба чаҳоршанбе дар қисми низомии 28237, воқеъ дар наздикии деҳаи Узинагаши вилояти Алмато рух дод.

"21 январ, тақрибан соатҳои 01:35 дақиқа сарбози қаторӣ Уласбек Кожан ҳангоми иҷрои вазифаи посбонӣ худро парондааст. Дар натиҷаи сахт захмӣ шудани сараш ӯ ба ҳалокат расид", - омадааст дар иттилоияи расмӣ. Ҷузъиёти ҳодиса шарҳ дода намешавад. Танҳо гуфта шудааст, ки Кожан моҳи июни соли 2018 ба сарбозӣ рафтааст.

Хадамоти матбуотии фармондеҳии минтақавии Қазоқистон афзудааст, ки Идораи тафтишоти низомии Алмато дар робита ба ин ҳодиса санҷиши дохилиро оғоз кард. "Таҳқиқи сабабҳои ҳодиса идома дорад", - қайд шудааст дар иттилоия.

XS
SM
MD
LG