Пайвандҳои дастрасӣ

Хабари нав

Трамп: Минтақаҳои Сурия аз ҳузури ҷангҷӯёни ДОИШ пок шуд


Доналд Трамп
Доналд Трамп

Доналд Трамп, раиси ҷумҳури Амрико, гуфт, тамоми минтақаҳои Сурия аз ҳузури ҷангҷӯёни гуруҳи тундрави “Давлати исломӣ” пок шудааст. Трамп дар ҳоле дар ин маврид сухан мегӯяд, ки дар минтақаи Боғузи Сурия ҳанӯз даргирӣ идома дорад.

Трамп рӯзи 22-юми март ба хабарнигорон дар як нақша нишон дод, ки дар вақти интихоби ӯ дар соли 2016 ДОИШ дар куҷо буд ва акнун дар куҷо қарор дорад. Ӯ афзуд, вақти он расидааст, ки бигӯянд гуруҳи тундрави “Давлати исломӣ” дар ҳеч ҷои Сурия ҳокимият надорад.

Қабл аз ин, Сара Сандерз, сухангӯи Кохи Сафед, ҳам гуфта буд, ки гуруҳи “Давлати исломӣ” дар Сурия аз байн рафтааст. Аммо нерӯҳои демократии Сурия, ки таҳти ҳимояти Амрико мебошанд, гуфтаанд, дар минтақа ҳанӯз ҷанг ҷараён дорад.

Мустафо Балӣ, сухангӯи нерӯҳои демократии Сурия рӯзи 22-юми март дар Твиттер навишт, “ҷанги сахт дар Боғуз идома дорад, то боқимондаҳои ДОИШ аз байн бурда шавад.”

Илова ба ин ин, сафири Сурия дар Созмони Милали Муттаҳид Башор Ҷаъфарӣ гуфтааст, ҳокимияти ДОИШ дар ин кишвар ҳанӯз хотима нафтааст. Ӯ иддао кард, нерӯҳои ҳукуматии Сурия, ки таҳти ҳимояти Эрону Русия қарор доранд, бо ДОИШ дар ҷанг ҳастанд, на нерӯҳои таҳти ҳимояти Амрико.

XS
SM
MD
LG