Рӯзи 9-уми Май дар донишгоҳи SOAS (Омӯзиши Осиё ва Африқо) дар шаҳри Лондон китоби “Таърихи Тоҷикон – Эрониҳои Шарқӣ“-ро муаррифӣ карданд, ки ба қалами Ричард Фолтс, донишманди машҳур ва эроншиноси амрикоӣ тааллуқ дорад.
Бори аввал аст, ки дар ҷаҳони ғарб чунин китоб дар бораи тоҷикон ва бо забони инглсӣ рӯи чоп омадааст. Ричард Фолтс дар ин китоб, таърих, фарҳанг, забон ва нақши калидӣ доштани тоҷикон дар сарзаминҳои кишварҳои феълии Осиёи Миёна, Вилояти Шинҷони Чин, Афғонистон ва шимолу ғарби Покистон ва Эрону Ироқи имрӯзаро қабл аз ҳуҷуми арабҳо баррасӣ кардааст.
Профессор Ричард Фолтс, рисолаи докториашро дар Донишгоҳи машҳури Ҳарвард дар риштаи омӯзиши Ховари Миёна дифоъ кардааст ва ҳоло дар донишгоҳи Монтреали Канада кор мекунад.
