Пайвандҳои дастрасӣ

Хабари нав

Теҳрон ба пешвози нахуствазири Ҷопон омода мешавад


Акс аз январи соли 2014, форуми иқтисодии Давос

Нахуствазири Ҷопон Шинзо Абе бо умеди коҳиши таниш дар равобити Вашингтону Теҳрон рӯзи 12 июн ба Эрон сафар мекунад. Қарор аст Абе бо президенти Эрон Ҳасани Рӯҳонӣ ва раҳбари олӣ Оятулло Алии Хоманеӣ мулоқот кунад. Ин нахустин сафари раҳбари Ҷопон ба Эрон дар давоми наздики 40 соли охир мебошад. Баъди соле пеш тарки созиши ҳастаӣ бо Теҳрон кардани Вашингтон, Эрон дар ҳолати ихтилоф бо ИМА қарор гирифт. Вашингтон як қатор таҳримҳоро болои Эрон ҷорӣ кард ва гуфт, ки ин тасмим дар посух ба харобкориҳои Эрон дар Ховари Миёна гирифта шуд.

Пеш аз парвоз ба Теҳрон, Шинзо Абе гуфт, ки Ҷопон хостори сулҳ ва субот дар Ховари Миёна аст.

Дар остонаи сафари Абе ба Теҳрон, рӯзи 11 июн вазири хориҷаи Ҷопон Таро Коно пушти дарҳои баста бо ҳамкори эрониаш Муҳаммад Ҷавод Зариф дидору гуфтугӯ кард.

Токио яке аз наздиктарин муттафиқони ИМА дар Осиё аст ва инчунин бо Теҳрон робитаҳои наздик дорад. Вале бархе коршиносон шубҳа доранд, ки ин сафар натиҷа медиҳад. Мунаққидон мегӯянд, ки сафари мазкур дар остонаи интихоботи моҳи июли соли ҷорӣ ба манфиати Абе аст, ки мехоҳад худро як раҳбари муҳими сатҳи байналмилалӣ нишон диҳад.

Гузоришҳои видеоӣ

Модари сарбози фавтида мехоҳад, ҷузъиёти марги фарзандашро бифаҳмад
лутфан мунтазир бошед

Феълан кор намекунад

0:00 0:03:14 0:00
XS
SM
MD
LG