Дар натиҷаи таркиши бомбе дар дохили як масҷиди шиаён дар Афғонистон 2 нафар кушта ва 20 тани дигар маҷрӯҳ шудаанд. Мақомоти расмӣ рӯзи 6-уми июл гуфтанд, ки таркиш рӯзи ҷумъа 5-уми июл дар шаҳри Ғазнӣ ва ҳангоми намози шом дар масҷиди Муҳаммадия дар маҳаллаи Хоки Ғарибон ба вуқӯъ пайвастааст.
Ба гуфтаи Носир Аҳмад Фақирӣ, раиси Шӯрои вилоятӣ ҳангоми таркиш дар масҷид бештар аз 70 нафар ҳузур доштаанд. Бомбро зоҳиран қабл аз шурӯи намоз дар масҷид гузоштаанд.
