Сокини 14-солаи ноҳияи Китоби Узбекистон Ҷасурбек Ғуломов бо касби 120,9 хол донишҷӯи Донишгоҳи давлатии вилояти Қашқадарё шуд.
Ба иттилои сомонаи донишгоҳ, наврас аз ҳисоби будҷаи давлат таҳсил хоҳад кард.
Ёдрас мешавем, имсол дар Узбекистон маҳдудияти синни дохил шудан ба донишгоҳҳои ин кишварро бекор карданд.
Пештар хабар дода шуд, ки Маматқул Бердиалиеви 78-сола, Тухтамиш Султонови 80-сола ва як зани дигари 72-сола низ барои дохил шудан ба донишгоҳҳои Узбекистон ҳуҷҷат супоридаанд.
Маркази давлатии тестии Узбекистон гуфт, калонсолтарин довталаби ин кишвар 87 сол дорад.
