Пайвандҳои дастрасӣ

Хабари нав

Эътирозгарон дар Миср хоҳони барканории Сисӣ шуданд


Таҷаммӯи одамон дар майдони Таҳрири Қоҳира. рӯзи 20-уми сентябри соли 2019
Таҷаммӯи одамон дар майдони Таҳрири Қоҳира. рӯзи 20-уми сентябри соли 2019

Тазоҳуроти зиддиҳукуматӣ дар чандин шаҳри Миср роҳандозӣ шуд. Эътирозгарон хоҳони барканории Абдулфаттоҳ Сисӣ, раиси ҷумҳури Миср, ҳастанд.

Маркази ҳуқуқи иҷтимоӣ ва иқтисодии Миср рӯзи шанбеи 21-уми сентябр гуфт, дар натиҷаи эътирозҳо даҳҳо тан, аз ҷумла ду хабарнигор, датсгир шудаанд. Аз талафот ва ё захмӣ шудани касе дар ин тазоҳурот гузориш нашудааст.

Пулиси зидди шӯриш зидди эътирозкунандаҳо аз чӯбу гази ашковар истифода кард, ки дар натиҷа тазоҳурот дар баъзе минтақаҳои Миср пароканда шуд.

Абдулфаттоҳ Сисӣ соли 2014 баъд аз барканории Муҳаммад Мурсӣ дар интихоботи Миср пирӯз шуд ва зимоми қудрат дар ин кишвари арабиро ба уҳда гирифт. Ӯ баҳори имсол ба даври дувуми раёсати ҷумҳуриаш оғоз кард.

XS
SM
MD
LG