Пайвандҳои дастрасӣ

Хабари нав

Сокини Тошканд як табибро латукӯб кард


Акс аз бойгонӣ.
Акс аз бойгонӣ.

Як сокини шаҳри Тошканд корманди "ёрии таъҷилӣ"-ро барои анҷом надодани амали эҳёгарӣ ба шахсе, ки то омадани онҳо ҷон бохта буд, латукӯб кардааст. Дар ин бора Раёсати пулиси пойтахти Узбекистон иттилоъ дод.

"25 сентябр як гуруҳи табибон ба ноҳияи Яшнобод сафарбар шудаанд. Онҳо пас аз муоина муайян карданд, ки шаҳрванд ҷон бохтааст. Вале наздикони марди фавтида посухи табибонро написандидаанд. Ҳамсояи мард, ки "ёрии таъҷилӣ"-ро даъват карда буд, хостааст, амали эҳёгарӣ анҷом диҳанд, вале табибон худдорӣ кардаанд. Сипас ӯ ба яке аз табибон ҳамла карда, вайро латукӯб намудааст. Дар натиҷа табиб ҷароҳат бардошта, ба беморхона интиқол ёфтааст",-афзуд манбаъ.

Дар робита ба ин ҳодиса тафтишот оғоз шуда, ба шаҳрванде, ки табибро латукӯб кардааст, ҷавобгарии ҷиноӣ таҳдид мекунад.

XS
SM
MD
LG