Пайвандҳои дастрасӣ

Хабари нав

Трамп: Адам Шифф барои "хиёнат" ҳабс шавад


Адам Шифф
Адам Шифф

Президенти ИМА Доналд Трамп дар вокуниш ба нияти Маҷлиси намояндагони ин кишвар барои идомаи таҳқиқи аъмолаш дар пешорӯи эъломи изҳори нобоварӣ, ҳамоно тунд вокуниш мекунад. Рӯзи 30 сентябр Трамп ишора кард, ки раҳбари таҳқиқот – намояндаи ҳизби демократ аз Калифорния Адам Шифф бояд “барои хиёнат” ҳабс шавад. Таҳқиқи конгресс баъди он шурӯъ шуд, ки як манбаъ дар Кохи Сафед гуфт, Трамп президенти Украина Владимир Зеленскийро фишор меорад, то ки ӯ таҳқиқи ҷиноии собиқ муовини президенти Амрико Ҷо Байден ва як номзад ба интихоботи соли ояндаи президентӣ аз демократҳоро ба роҳ монад.

Манбаъ гуфт, ки дар як сӯҳбати телефонии 25 июли миёни Трамп ва Зеленский, президенти Амрико раҳбари Украинаро водор кард, ки корҳои Байден ва писари ӯ Ҳантерро, ки як узви шӯрои мудирони ширкати нафтӣ дар Украина аст, тафтиш кунанд. Байден бо президенти пешин Барак Обама кор кардааст.

Феълан ҳеҷ шоҳодате дар заминаи иштибоҳ ё қонуншиканиҳои эҳтимолии Байден нашр намешавад. Котиби давлатии ИМА Майк Помео ҳамчунин рӯзии 25 июл бо Зеленский ҳамсӯҳбат буд. Дар ин бора матбуоти амрикоии мисли Wall Street Journal, Reuters ва AP хабар доданд.

Сӯҳбати Трамп ва Зеленский дар фурсати кӯтоҳи баъди он баргузор шуд, ки президенти Амрико гуфт, кӯмакҳои низомии Украина дар ҳаҷми 400 миллион долларро бозмедорад. Мунаққидон гуфтанд, ки Трамп имкони додани ин кӯмакҳоро барои расидан ба ҳадафҳои хусусиаш истифода кардааст.

XS
SM
MD
LG