Пайвандҳои дастрасӣ

Хабари нав

Дар Лағмон 3 пулисро куштанд, 36 нафарро захмӣ карданд


Лағмон яке аз вилоятҳои ноороми Афғонистон аст.
Лағмон яке аз вилоятҳои ноороми Афғонистон аст.

Дар натиҷаи таркиши мошини бомбгузоришудае дар шарқи Афғонистон 3 афсари пулис кушта шудаанд ва 36 нафари дигар ба шумули 20 кӯдак ҷароҳат бардоштаанд. Таркиш рӯзи 16-уми октябр дар назди идораи пулис дар ноҳияи Алишанги вилояти Лағмон рух додааст.

Нусрат Раҳимӣ, сухангӯи вазорати умури дохилии Афғонистон гуфт, дар натиҷаи таркиш қисме аз як мадрасаи динӣ вайрон шудааст. Асадулло Давлатзай, сухангӯи волии Лағмон гуфт, ки 20 нафар аз маҷрӯҳон донишҷӯён ҳастанд.

Ҳеҷ гуруҳе масъулияти таркишро бар ӯҳда нагирифтааст. Нусрат Раҳимӣ, ҳамларо кори дасти Толибон хонд. Афғонистон ҳоло мунтазири натиҷаҳои даври аввали интихоботи раёсати ҷумҳурӣ аст, ки моҳи гузашта баргузор шуд. Интихобот ҳам ба ҳамлаву бомбгузориҳои Толибон ҳамроҳ буд.

XS
SM
MD
LG