Пайвандҳои дастрасӣ

Хабари нав

Узбекистониҳо иҷозат доранд, ки то 10 ҳазор доллар ба хориҷ баранд


Шаҳрвандони Узбекистон ҳамакнун метавонанд, то 10 ҳазор доллари ИМА-ро ба таври нақдина ба хориҷ баранд.

То ин замон шаҳрвандони он кишвар ҳақ доштанд, ки то 2 ҳазор долларро бидуни эъломия ва то 5 ҳазор долларро бо тартиб додани эъломия ба хориҷ баранд. Барои берун бурдани миқдори бештари маблағ иҷозати Бонки марказии он кишвар зарур буд.

Ин тартибот 23 октябр баъди он ба иҷро даромад, ки президенти Узбекистон Шавкат Мирзиёев қонуни нав "Дар бораи танзими бозори асъор"-ро имзо кард.

Қонуни мазкур ҳамчунин ба шаҳрвандон иҷозат медиҳад, ки дар хориҷ суратҳисоби бонкӣ боз кунанд ва аз суратҳисоби бонкҳои Узбекистон ба хориҷ ва баръакс, аз хориҷ ба дохил маблағ ирсол намоянд.

Ин санад ҳамчунин шаҳрвандонро вазифадор мекунад, ки тамоми ҳисобҳо ва пардохтҳоро дар дохили Узбекистон бо асъори миллӣ анҷом диҳанд. Арзиши мол ва хизматрасониро бо асъори хориҷӣ нишон додан манъ шуд.

XS
SM
MD
LG