Пайвандҳои дастрасӣ

Хабари нав

Даргузашти модари Ҳоҷӣ Ҳалим дар 78-солагӣ


Абдуҳалим Назарзода
Абдуҳалим Назарзода

Гулбибӣ Сулаймонова – модари Абдуҳалим Назарзода (Ҳоҷӣ Ҳалим) – муовини пешини вазири дифои Тоҷикистон, ки мақомот ӯро ба ташкил ва роҳбарии ошӯби моҳи сентябри 2015 айбдор карданд, дар 78-солагӣ даргузаштааст. Назарзода ҳамроҳ бо се бародараш дар амалиёти чаҳор сол пеш дар дараи Ромит кушта шуданд.

Фирӯз Назаров, набераи Гулбибӣ Сулаймонова, рӯзи 18-уми ноябр ба Радиои Озодӣ гуфт, модарбузургаш то як сол пеш аз марги Ҳоҷӣ Ҳалим хабар надошт. Ин зан соҳиби ҳафт писар ва се духтар будааст. Ҳоло ду писараш дар зиндон ҳастанд. Писари дигараш дар озодӣ ва дар Русия аст.

Абдуҳалим Назарзода бо истифода аз квотаи 30-дарсадӣ аз тарафи мухолифин ба кор дар Вазорати мудофиа пазируфта шуда буд ва солҳои ахир ба ҳайси муовини вазир кор мекард.

Мақомот дар ташкили ба гуфтаи онҳо ошӯб ё қасди табаддулот раҳбарияти ҳизби дар Тоҷикистон мамнӯи наҳзати исломиро гунаҳкор карданд. Раҳбарияти ҳизб дар хориҷа ҳамвора ин иттиҳомотро рад карда, гуфтаанд, тамоми кӯшиши мақомот барои аз саҳнаи сиёсат дур кардани онҳо буд.

XS
SM
MD
LG