Пайвандҳои дастрасӣ

Хабари нав

Бештари сокинони Эрон ба интихоботи порлумонӣ нарафтанд


Эрон рӯзи 21-уми феврал интихоботи порлумонӣ баргузор кард. 21 феврал, 2020.
Эрон рӯзи 21-уми феврал интихоботи порлумонӣ баргузор кард. 21 феврал, 2020.

Раъйдиҳандагони эронӣ ба андозаи чашмгир даъватҳои ҳукуматро ба иштирок дар интихоботи порлумонӣ нодида гирифтанд.

Бино ба иттилои Вазорати умури дохилии Эрон, шумори иштирокдорон дар интихоботи 21 феврал ба таври рекордӣ поин буда, 42,57 дарсади теъдоди умумии афроди қобили раъйро ташкил медиҳад. Ин рақам нисбат ба иштирокдорони интихоботи соли 2016 бист дарсад кам аст.

"Радио Фардо" -- бахши эронии Радиои Озодӣ навиштааст, ки иштироки ками раъйдиҳандагон зарба ба ҳукумати ин кишвар хоҳад буд. Аз ҳама дида сокинони шаҳрҳои бузургтарини Эрон дар интихобот кам иштирок кардаанд. Аз ҷумла, дар Теҳрон танҳо аз 20 то 30%-и шахсони қобили раъй иштирок кардаанд.

XS
SM
MD
LG