Пайвандҳои дастрасӣ

Хабари нав

Қирғизистониҳо метавонанд, дар озмуни "Green card"иштирок кунанд


Акс аз бойгонӣ.
Акс аз бойгонӣ.

Сафорати ИМА дар Бишкек гуфт, шаҳрвандони Қирғизистон метавонанд, дар озмуни навбатии лотереяи корти сабз дар соли 2020 иштирок кунанд. Вале барои ин бояд талабҳои меъёрии иштирок дар озмунро иҷро намоянд.

Намояндагии дипломатии Амрико дақиқ нагуфт, ки бурд дар озмуни мазкур ба шаҳрвандони Қирғизистон ҳаққи сафар ба он кишварро хоҳад дод, ё не. Бархе аз шарҳнависон дар поёни хабари сафорат дар "Фейсбук" навиштаанд, ки маҳдудияти дарёфти раводиди ИМА барои қирғизистониҳо муваққатӣ аст ва корти сабз пас аз ду соли иштирок дода мешавад.

Кохи Сафед 31-уми январи соли равон дарёфти раводиди муҳоҷират ва корти сабзро маҳдуд карда, вуруди муҳоҷирони қирғизро ба Амрико манъ намуд. Вашингтон гуфт, ҷониби ИМА аз шеваи дарёфти шиносномаи қирғизӣ нигарон аст. Сафири ИМА дар Бишкек Доналд Лу гуфт, раводиди Амрико танҳо ба сайёҳон, соҳибкорон ва донишҷӯёни қирғиз дода мешавад.

Мақомоти Қирғизистон ахиран гуфтанд, ки аз соли 2021 додани шиносномаҳои биометриро оғоз хоҳанд кард.

XS
SM
MD
LG