Пайвандҳои дастрасӣ

Хабари нав

Дар Сибир ба ёдгории қурбониёни "таъқиботи сталинӣ" ранг молиданд


Ёдгории қурбониёни таъқиботи сиёсӣ дар замони Шӯравӣ дар Иркутск
Ёдгории қурбониёни таъқиботи сиёсӣ дар замони Шӯравӣ дар Иркутск

Дар шаҳри Тайшети Сибири Русия ба рӯи навиштаҳои ёдгории қурбониёни таъқиботи сиёсӣ дар замони Шӯравӣ ранг молидаанд.

Сохтмони ин майдон, ки дар он ёдгорӣ гузошта шудааст, ҳафтае пеш анҷом ёфта буд.

Ба навиштаи бахши русии Радиои Озодӣ ҳодиса шаби 4-уми июл рӯх додааст ва навиштаи болои ин ёдгорӣ дида намешавад.

Ин ёдгорӣ ба хотири онҳое бунёд шудааст, ки дар замони раҳбарии Сталин зиндон шудаанд.

Дар солҳои 30-уми асри гузашта дар авҷи саркубгариҳои сиёсӣ, ки бо номи “таъқиботи сталинӣ” маъруф аст, дар ҳудуди Тайшети Сибир макони бузурги нигаҳдории маҳбусони сиёсӣ ҷой дошт. Аз тариқи истгоҳе аз ин макон маҳбусонро ба Сибири Шарқӣ ва ба Шарқи Дур интиқол медоданд.

Миллионҳо шаҳрванди Шӯравӣ дар замони раҳбарии Сталин, дар солҳои 1924-53 таҳти таъқиб қарор доштаанд.

XS
SM
MD
LG