Пайвандҳои дастрасӣ

Хабари нав

Оғози сохтмони зербинои неругоҳи Сантуда-2


Тибқи иттилоъи вазорати энержӣ ва саноъати Тоҷикистон, сохтмони зербинои неругоҳи барқи обии «Сантуда-2» оғоз шудааст. Ба гуфтаи ҳамин манбаъ, ширкати «Сангоб»-и эронӣ, ки сохтмони ин неругоҳро бар уҳда дорад, дар ҳоли ҳозир майдони сохтмониро омода месозад ва аллакай корхонаи тавлиди бетон барои неругоҳ эҳдос шудааст.

Неругоҳи барқи обии «Сангтуда-2» дар 120-километрии ҷануби Душанбе бо тавононии 930 миллион киловатт соат бо кумаки ҷониби Эрон сохта хоҳад шуд. Барои сохтмони ин неругоҳ тарафи Эрон 180 миллион доллар ва ҷониби Тоҷикистон 40 миллион доллар ихтисос додааст. Пас аз бунёди неругоҳ тайи 12,5 сол он ба Эрон тааллуқ хоҳад дошт ва баъд аз он ба Тоҷикистон супурда хоҳад шуд.

XS
SM
MD
LG