Пайвандҳои дастрасӣ

Хабари нав

Тачӣ: То истиқлоли Косово рӯзҳои башумор мондааст


Ҳошим Тачӣ, сарвазири Косово изҳор кард, ки то эълони истиқлоли ин минтақа аз Сербия рӯзҳои башумор мондааст. Ӯ дирӯз дар Брюссел бо раҳбари сиёсати берунаи Иттиҳодияи Аврупо Ҳовиер Солана дидору гуфтугӯ дошт. Ҳошим Тачӣ изҳор кард, ки Косово барои эълони истиқлол комилан омода аст, ҳатто тарҳи Қонуни асосӣ ва рамзҳои давлатӣ ҳам. Ва аммо Олли Рен, узви раҳбарияти Иттиҳодияи Аврупо иттилоъ дар бораи эълони истиқлоли Косово дар рӯзҳои наздикро тайид накард.

Сербия ба эълони истиқлоли Косово комилан мухолиф аст. Интизор меравад, ки имрӯз раисиҷумҳури Сербия Борис Тадич ва сарвазири кишвар Воислав Коштунитса дар Маскав дар мулоқот бо раисиҷумҳури Русия Владимир Путин, аз ҷумла, ин мавзӯъро баррасӣ кунанд.
XS
SM
MD
LG