Дабири кулли Созмони Милали Муттаҳид, Бан Ги-мун имрӯз дар Кения бо ҳайатҳои марбут ба президенти ин кишвар Мвайӣ Кибакӣ ва рақиби ӯ, раҳбари оппозисюн Раила Одинга мулоқот кард. Вай ҳарду ҷонибро ба қатъи хушунатҳо ба хотири манофеъи умумимиллӣ даъват намуд. Дар ин ошӯбҳо, ки баъд аз эълони натиҷаҳои интихоботи 27-уми декабр сар зад, зиёда аз 800 нафар кушта ва ҳазорон нафар фирорӣ шудаанд.