Ҷеймс Маттис, вазири дифои Амрико, гуфт, ки нақши Иёлоти Муттаҳида дар Украина тағйир нахоҳад кард.
Маттис рӯзи 29-уми декабр гуфт, Русия далел надорад, то дар хусуси тасмими Амрико, ки ҳафтаи гузашта дар робита ба фароҳам кардани силоҳҳои нав ба Укриана гирифт, нигарон бошад.
Вазири дифои Амрико афзуд, то замоне ки касе нахоҳад бар Украина таҷовуз кунад, ин кадом таъсири бузург нахоҳад дошт. Ба қавли Маттис, инҳо силоҳҳои дифоианд.
Русия иқдоми Амрико барои боло бурдани қобилиятҳои дифоии Украинаро маҳкум кард. Мақомоти Русия гуфтанд, ки ин кор хатти қирмиз ё сурхро убур карда, Украинаро ба самти хунрезии нав мебарад.
