Пайвандҳои дастрасӣ

Хабари нав

Блогистон

Панҷшанбе 25 Апрел 2019

Тақвим
Январ Феврал Март Апрел Май Июн Июл Август Сентябр Октябр Ноябр Декабр
Апрел 2019
Душ Cеш Чор Пан Ҷум Шан Якш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
Акс аз бойгонӣ

Дар Тоҷикистон дар бораи камбизоатӣ масал зиёд аст, вале яке аз маъруфтарини онҳо ин аст, ки "Камбағалро дар болои уштур ҳам саг газидааст".

Радиои Озодӣ аз чанд раҳгузар дар Душанбе пурсид, то масали мазкурро шарҳ бидиҳанд. Яке аз онҳое, ки Радиои Озодӣ бо ӯ дучор омад, файласуфи шинохта Комил Бекзода буд ва масали қадимиро чунин шарҳ дод:

"Аз он ки камбағал аст ва аз назари равонӣ, ҷисмӣ, фикрӣ, ахлоқӣ дар мавқеи бисёр маҳдуд қарор гирифтааст, дар болои шутур ҳам бошад, ҳамон ҳолат дар вуҷуди ӯ ҳаст. На ин ки саг, балки ҳар махлуқи дигар ҷасорат дорад, ба тарафи вай бо назари кам бингарад."

Як ҷавоне, ки Радиои Озодӣ аз ӯ маънии масалро пурсид, дар ҷавоб чунин гуфт: “Масалан хизмати ҳарбӣ. Ҳама бачаҳои камбағал мераванду хизмат мекунанд."

Чаро камбағалро дар болои шутур ҳам саг мегазад?
лутфан мунтазир бошед
### Эмбед ###

### Феълан кор намекунад ###

0:00 0:02:14 0:00

Дар Тоҷикистон масали мазкурро умдатан замоне ба кор мебаранд, ки фарди камбизоате ё ба мусибат дучор шавад ва ё кораш омад накунад. Аз ин рӯ, яке аз мусоҳибони Радиои Озодӣ гуфт, ин эҳтимол ҳам ҳаст, ки на фақат камбизоатҳо, балки сарватмандонро ҳам дар болои уштур саг бигазад.

Вай гуфт: "Мусибат ба сари ҳама меояд, ба сари бойҳо ҳам. Агар ба сари камбағал омад, пул ки надорад, барои ҳамин мегӯянд, камбағалро дар болои шутур сагча ҳам мегазад."

Яке аз мусоҳибони дигари Радиои Озодӣ масалро ба қавли худаш мутобиқ ба замони имрӯз шарҳ дод ва гуфт: "Камбағал, ки "тағо" (воситае барои иҷрои кор) надорад, кораш барор намегирад."

Раҳгузари дигаре масали мазкурро ба онҳое рабт дод, ки ба қавли ӯ истеъдод доранд, вале бинобар надоштани имкониятҳои молӣ ба ҷое, ки мехоҳанд, намерасанд.

Мусоҳиби охирини Радиои Озодӣ дар ин назарпурсӣ баъди шунидани ин суол ба андешаи амиқ рафт ва бо сукути маънидоре ба ин суол посух надод.

Дар Тоҷикистон бино ба оморҳои расмӣ тақрибан 30 дар сади мардум камбизоат ба ё ба қавли мардум камбағал ба ҳисоб мераванд.

Ёқуби Саид

Бо шарофати Интернет ниҳоят чеҳра ва ному насаби вакили порлумон аз ҳавзаи Синои шаҳри Душанберо шиносоӣ кардам.

Баъд аз интихоботи соли 2015 то кунун ҳеч куҷо аз ӯ хатту хабаре нашунида ва ному насаб ва симои ӯро ҳам фаромӯш карда будам. Танҳо ҳамин рӯз дар Интернет ҷустуҷӯ ва пайдо кардам, ки вакили мо дар Маҷлиси Намояндагони Тоҷикистон Ҷамшед Саидов будааст.

Ҷустуҷӯҳои ман бе сабаб нест.

Мехоҳам ба мулоқоти ӯ биравам ва дархост кунам, ки дастандаркорони боло бурдани қимати Интернетро ба порлумон даъват ва арзи маро расонад.

Дар мулоқоти рӯ ба рӯ ба ӯ хоҳам гуфт:

  • Интернет манбаи зиндагист;
  • Интернет манбаи дониш аст;
  • Интернет манбаи тафреҳ аст;
  • Интернет манбаи иттилоъ аст;
  • Интернет манбаи корҷӯӣ, корофаринӣ ва корёбӣ аст;
  • Интернет васлкунандаи гумшудаҳост;
  • Интернет пайвандгари ҳудуди 1 миллион муҳоҷири тоҷик бо хонаводаҳояшон аст;
  • Интернет воситаи робита байни тоҷикони бурунмарзӣ ва тоҷикистониён аст.

Боло бурдани қимати Интернет маънии қатъи ҳамаи робитаҳо ва василаҳои дар боло зикршударо дорад.

Гарон кардани Интернет маънии эълони таҳрим зидди шаҳрвандони Тоҷикистонро низ дорад. Чуноне, ки Русияву Амрико бо ҳадафи ба зону шинондани якдигар таҳримҳои иқтисодиро ҷорӣ кардаанд, болоравии Интернет дар Тоҷикистон ҳам мардумро варшикаста хоҳад кард.

Аз ӯ дархост мекунам, ки аз дастандаркорони гарон кардани Интернет талаби бекоршавии ин тасмимро бикунад.

Ба ӯ ҳамчунин хоҳам гуфт, ки агар ҳамин Интернет набуд, ному насаби ӯ ҳам фаромӯш мешуд.

Ба ӯ хоҳам гуфт, ки ҳар бор амру дастури “болоҳоро” ба мо мерасонанд, ин бор ҳатман дастури моро ба “болоҳо” бирасонанд.

Ёфтҳои бештар

Гузоришҳои видеоӣ

Сокинони чанд маҳаллаи ноҳияи Рӯдакиро кӯчондаанд, то зери сел намонанд
лутфан мунтазир бошед

### Феълан кор намекунад ###

0:00 0:02:33 0:00
XS
SM
MD
LG