Дар рӯзҳое, ки соли хониш ба поён расида, хонандагон дар фикри таътил ҳастанд, шуморе аз волидон ва ба вижа маъмурони соҳаи маорифи Қирғизистон дар ташвишанд, ки чӣ гуна то оғози соли нави таҳсил норасоии муаллимон, таъмири мактабҳо ва дигар камбудиҳоро бартараф хоҳанд кард.
Тибқи маълумоти Бонки рушди АвруОсиё, Чин аз Русия пеш гузашта ва ба калонтарин сармоягузори мустақими хориҷӣ дар Осиёи Марказӣ табдил шудааст. Минтақае саршор аз манбаъҳои табиӣ, ки солҳо зери нуфузи Маскав қарор дошт, акнун беш аз гузашта ба меҳвари таваҷҷуҳи Пекин табдил меёбад.
Муҳокимаи додгоҳии Қамчибек Тошиев, раиси пешини Кумитаи амниятии Қирғизистон бо иттиҳоми талоши табаддулоти давлатӣ, яке аз нишонаҳои таҳаввулоти амиқ дар низоми сиёсии кишвар шудааст.
Қирғизистон чораҳои густурдаеро барои муқобила бо ширкатҳое анҷом додааст, ки ба иттиҳоми рафъи таҳримҳои Ғарб алайҳи Русия, фаъолият мекунанд. Ин таҳримҳо пас аз ҳамлаи густурдаи Русия ба Украина дар соли 2022, нисбати Маскав вазъ шуда буд.
Стив Свердлов, муҳаққиқи масоили ҳуқуқи башар мегӯяд, давоми чанд соли охир дигар Қирғизстонро наметавон як кишвари демократӣ дар Осиёи Марказӣ номид. Ӯро рӯзи 19-уми май ба Қирғизистон роҳ надоданд ва аз фурудгоҳи “Манас” дар шаҳри Бишкек дигарбора дар ҳавопаймояш ба Истанбул бозпас фиристоданд.
Дар Қирғизистон баррасии муқаддамотии парвандаи талош барои табаддулоти давлатӣ оғоз шуд, ки яке аз муттаҳамони асосӣ ба он Қамчибек Тошиев, раиси собиқи Кумитаи давлатии амнияти миллӣ аст. Ӯ аз ҷумла, ба омодагӣ барои ғасби қудрат ва сӯиистифода аз мақоми хидматӣ муттаҳам мешавад.
Мақомоти интизомӣ дар Туркманистон ҷустуҷӯи болои бомҳо барои пайдо кардани таҷҳизоти интернети моҳвораии "Starlink"-ро оғоз кардаанд.
Мавзӯи бисёрзанӣ дар Қирғизистон дигарбора доғ мешавад ва иддае дар ин кишвар пешниҳод доранд, ки ҷазои чандҳамсарӣ аз Кодекси ҷиноӣ бароварда шавад ва танҳо қонуншикании маъмурӣ унвон гирад.
Иттиҳоди Аврупо охири ҳафтаи гузашта Қирғизистонро шомили феҳрасти таҳримҳои худ кард. Ҳоло ба ин кишвар содироти як қатор молҳое, ки Маскав метавонад барои истеҳсоли низомӣ истифода кунад, манъ шудааст.
Русия бори дигар аз тағйири номи кӯчаву хиёбонҳои даврони Шӯравӣ дар Қирғизистон ибрози норозигӣ кард. Дар ҷараёни қабули созишномаи бунёди шаҳраки Донишгоҳи славянии Қирғизистон-Русия, вакилони порлумони Русия аз "русбадбинӣ" ва ба қавли худашон "шӯрависитезӣ" дар Бишкек, сӯҳбат карданд.
Сагҳои дайдуро дар Қазоқистон нобуд мекунанд. Порлумони ин кишвар ахиран тарҳеро тасвиб кард, ки иҷоза медиҳад барои мубориза бо ҷонварони оворагарду бесоҳиб аз шеваи бераҳмона истифода шавад. Ин тасмим вокунишҳои тунди ҷомеаи шаҳрвандӣ ва ҳомиёни ҷонваронро дар Қазоқистон ба миён овардааст.
Ёфтҳои бештар
