Пайвандҳои дастрасӣ

Медали тиллои Муниса дар Лубнон


Муниса Ойматова. Акс аз сомонаи Кумитаи миллии олимпии Тоҷикистон

Муниса Ойматова, варзишгари тоҷик, дар мусобиқаи байналмилалии "G1 Beirut Open 2019" оид ба таеквондо (WT) миёни ҷавонон барандаи медали тилло гардид.

Дар ин мусобиқаи байналмилалӣ, ки рӯзҳои 6-8-уми сентябр дар шаҳри Бейрути Лубнон баргузор шуд, варзишгарон аз 21 кишвари дунё мувофиқи синну соли худ дар чаҳор гурӯҳ – кӯдакон, наврасон, ҷавонон ва бузургсолон – рақобат карданд.

Ба иттилои Федератсияи таеквондо (WT)-и Тоҷикистон, Муниса Ойматова – танҳо варзишгаре буд, ки Тоҷикистонро дар ин мусобиқаи байналмилалӣ намояндагӣ кард. Ӯ дар вазни зери 49 кило бар ҳамаи рақибонаш ғолиб омада, миёни ҷавонон мақоми аввалро касб намуд.

Зимнан, Муниса имсол дар якчанд мусобиқаи байналмилалӣ ширкат варзида, бо медалҳо мукофотонида шудааст. Чунончи, ӯ моҳи апрел дар шаҳри Алмаатои Қазоқистон, моҳи июл дар Сеули Кореяи Ҷанубӣ медалҳои тилло, моҳи июл дар шаҳри Чунгчони Кореяи Ҷанубӣ медали нуқра ба даст овардааст.

Шарҳҳоро бинед (2)

Назари хонандагон

Шарҳи нав расид
Идома
XS
SM
MD
LG