Бинои як мактаби миёна дар вилояти Суғд, ки бо сармояи ҳукумати Узбекистон бунёд шуда, қарор буд, дар рӯзҳои таҷлил аз ҷашни имсолаи Наврӯз бо ҳузури мақомҳои баландпояи ду кишвар кушода шавад, то моҳи июн ба таъхир уфтод.

Манобеъ гуфтанд, ба сабаби сирояти коронавирус дар Узбекистон, ки то дам беш аз 50 нафарро гирифтор кард, ҳайати расмии он кишвар ба Тоҷикистон наомад.

Мактаби навро дар ноҳияи Спитамен сохтаанд.

Феълан сарҳади Тоҷикистону Узбекистон бастааст.

Омӯзгорон ва хонандагони мактаби рақами 33 дар ноҳияи Спитамен то лаҳзаи охир ба маросими кушода шудани бинои нав омодагӣ дидаанд. Як масъули идораи маорифи вилояти Суғд гуфт, "субҳи 25-уми март раиси ҷумҳур мактаби рақами 12-ро дар ноҳияи Спитамен боз кард, вале ифтитоҳи мактаби сохтаи Узбекистон ба 27-уми июн, рӯзи ваҳдати миллӣ, мавқуф гузошта шуд."

Масъулони баргузории маросими наврӯзӣ дар Суғд наомадани намояндагони Узбекистонро бо раҳбарии сарвазири он кишвар барои иштирок дар ифтитоҳи мактаб ба барномаҳои пешгирӣ аз вируси нав рабт доданд.

Сокини маркази ноҳияи Спитамен, Мунира Солиева, дар суҳбат бо Радиои Озодӣ гуфт, дар ҷамоати ба номи Турсун Улҷабоеви ин ноҳия мактаби рақами 12-ро ифтитоҳ карданд. "Аммо мактаби 33-ро, ки Узбекистон сохт, накушоданд. Ҳозир он ба қабули хонандагон пурра омодааст, аммо ҳанӯз дарс намехонанд. Бачаҳо чанд вақт хуб омодагӣ диданд, хабари кушода нашудани мактабро шунида, дилмонда шуданд", - афзуд ин мусоҳиби Радиои Озодӣ.

Ин дар ҳолест, ки 22-юми март Абдулло Орифов, сарвазири Узбекистон дар суҳбати телефонӣ ба ҳамтои тоҷикаш - Қоҳир Расулзода гуфт, бо ҳадафи пешгирӣ аз паҳншавии коронавирус ҳаракати нақлиёти мусофирбар ва нақлиёти шахсӣ, ба истиснои мошинҳои борбар, байни ду кишвар муваққатан қатъ мешавад.

То 24-уми март дар Узбекистон 55 ҳолати гирифторӣ ба вируси корона сабт шуда, аз рӯзи сешанбе дар саросари Узбекистон низоми сахти пешгирӣ аз вируси корона роҳандозӣ шудааст.

Мақомоти Тоҷикистон мегӯянд, то ҳол ягон ҳодисаи гирифторӣ ба коронавирус ошкор нашудааст. Бо ин вуҷуд, чораҳои пешгирӣ аз эҳтимоли паҳншавии онро рӯи даст гирифтаанд.

Моҷарои вируси СОVID-19 ва тавсияҳои Созмони Ҷаҳонии Тандурустӣ ба мақомоти Тоҷикистон барои худдорӣ аз маъракаҳои серодам монеи истиқболи тантанаҳои наврӯзӣ дар кишвар нашуд. Имрӯзҳо дар вилояти Суғд маросими наврӯзӣ идома дорад.

Мухолифон ҳукумати Тоҷикистонро барои бепарвоӣ дар ин замина танқид мекунанд.

Сохтмони мактаби рақами 33 дар ҷамоати ба номи Турсун Улҷабоеви ноҳияи Спитамен дар асоси созишномаи байниҳукуматии Тоҷикистону Узбекистон пешбинӣ гардида буд. Тибқи он созиш, Тоҷикистон гуфта буд барои 640 хонанда дар Самарқанд мактаб месозад.

Мактаби наве, ки Узбекистон дар ноҳияи Спитамен сохт, барои 630 хонанда дар як баст пешбинӣ шудааст. Мактаб дар масоҳати умумии беш аз 2 гектар сохта шуда, он аз таҳхона ва се ошёнаи таълимӣ, инчунин ошхона, толор ва майдончаи варзишӣ иборат аст.

Дар мисоли Қирғизистон маҳдудият соҳаи молиро фаро гирифт: Иттиҳоди Аврупо додугирифтҳо бо «Керемет банк» ва «Капитал банк»-ро манъ кард. Ин ду муассиса соли 2025 ҳам мавриди маҳдудиятҳои Бритониё қарор гирифтанд. Дар Брюссел ба ин боваранд, ки ин бонкҳо барои давр задани таҳримҳои зидди Русия, аз ҷумла барои ирсоли паёмҳои пулӣ тавассути низоми СПФС мусоидат мекарданд. Ин низом аз соли 2024 мавриди таҳрим аст.

Ин ба он маъност, ки ширкатҳои аврупоӣ ва бонкҳо ҳақ надоранд бо ин ташкилот амалиёте барпо кунанд, истисно танҳо марбут ба пардохтҳои гуманитарӣ мешавад.

Ба иловаи ин, ташкилоти қирғизистонии A7A5 ҳам, ки мудирияташ дар ихтиёри биржа ё бозори асъор буда, бо пули рақамии стейблкоин тиҷорат мекунад, мавриди таҳрим қарор дода шуд. Ин пули рақамӣ ба рубли русӣ пайванд дода шудааст. Он соли 2025 пайдо шуд ва барои содда кардани пардохтҳо бо кишварҳо истифода мешавад. Дар Иттиҳоди Аврупо мегӯянд, ин василаҳоро метавонанд барои давр задани таҳримҳо истифода кунанд.

Ҳанӯз мақомот дар Қирғизистон ба ин қарор вокуниш накардаанд.

Дар маҷмӯъ дар доираи бастаи нави таҳримҳои зидди Русия 120 шахси ҷудогона ва ҳам 16 ташкилот аз кишварҳои сеюм таҳрим шудаанд.

Аз Қазоқистон ширкати воқеъ дар Алмати бо номи United Trading Group таҳрим шудааст. Он соли 2022, баъди шурӯи ҷанги Русия дар хоки Украина таъсис ёфт. Бино ба маълумот аз манбаъҳои боз, ширкат як коргар дорад ва дар чор сол беш аз 111 миллион танга андоз супурдааст. Маоши коргар дар сатҳи 85 ҳазор танга мондааст. Муассиси ин корхона Алимҷон Беков ҳам таҳрим шудааст. Дар Иттиҳоди Аврупо мегӯянд, ширкат метавонист ба Русия барои ҳадафҳои саноатӣ дар интиқоли гидрогени хлорид тавассути қаламрави Қазоқистон мусоидат кунад. Ҳанӯз вокуниши ин соҳибкор ба қарори Аврупо маълум нест.

Бастаи 20-уми таҳримҳои Иттиҳоди Аврупо бахше аз сиёсати васеи фишор ба Русия барои ҷангаш дар хоки Украина мебошад.

Дар ҳамин қарораш Иттиҳоди Аврупо се бонки Тоҷикистонро, ки давоми ним соли охир барои кӯмаки ғайримустақимашон ба ҷанги Русия дар Украина таҳти таҳрим қарор дода буд, аз феҳрасти "сиёҳ" берун кардааст.

Дафтари матбуоти раёсати ҷумҳурӣ рӯзи 24-уми апрел бо нашри як баёнияи расмӣ гуфт, ки расми ба кор андохтани агрегати 7-уми нерӯгоҳи Норак, ки дар солҳои дароз фарсуда шуда буд, бо ҳузури раиси ҷумҳур Эмомалӣ Раҳмон сурат гирифтааст.

Тармими агрегат ду солро дар бар гирифта ва барои он тақрибан 40 миллион евро харҷ шудааст. Дар баёния омадааст, ки акнун тавоноии агрегат афзоиш ёфтааст ва он метавонад дар як шабонарӯз то 8 миллион киловатт-соат неруи барқ истеҳсол намояд.

Навсозии нерӯгоҳи барқи обии Норак, ки ҳоло таъминкунандаи асосии нерӯи барқи Тоҷикистон аст, соли 2019 оғоз ёфт ва то кунун се чархаи онро иваз кардаанд.

Дар маҷмӯъ барои навсозии он, ки то соли 2023 идома меёбад, ба гуфтаи мақомот, 750 миллион доллар харҷ мешавад. Нерӯгоҳи Норак айни замон бо тавоноии 3 ҳазор мегават бузургтарин нерӯгоҳи барқи Тоҷикистон ба шумор меравад, вале ҳамроҳ бо даҳҳо нерӯгоҳи миёнаву хурди дигар қодир ба таъмини кишвар бо нерӯи барқи кофӣ нест.

Ҳар сол сар аз тирамоҳ то баҳор бисёре аз мардуми Тоҷикистон нерӯи барқи кофӣ надоранд ва ҳукумат ҳамеша барои нотавонӣ дар таъмини ин ниёзи асосии мардум танқид мешавад.

Вазорати умури дохилӣ рӯзи 23-уми апрел бо нашри як баёнияи расмӣ гуфт, ба сабаби ҷабру зулми пайвастаи ин зан, келини 21-солаи онҳо рӯзи 2-уми апрел худро ба рӯдхонаи Зарафшон андохта, худкушӣ кардааст. Дар баёния омадааст, “гумонбаршаванда аз моҳи декабри соли 2023 то инҷониб нисбати келинаш ҷавонзани 21-сола сокини ноҳияи Айнӣ муомилаи бераҳмона ва мунтазами шаъну эътиборашро паст задааст, ки аз ҷабру зулми хушдоманаш ҷабрдида 2-юми апрели соли 2025, дар деҳаи Зосуни ноҳияи Айнӣ худро ба дарёи «Зарафшон» андохтааст.“

Исми зани гумонбар ваё мавқеи ӯ ба ин ҷиноят нашр намешавад ва маълум нест, то куҷо ӯ воқеан ҳам худро гунаҳгор ҳисоб мекунад.

ВКД мегӯяд, ба зидди ин зан бо иттиҳоми “расондан ба худкушӣ” парвандаи ҷиноӣ боз кардаанд ва дар сурати исбот шудани гуноҳ мумкин аст, ӯро аз 3 то ба 8 соли зиндон маҳкум кунанд.

Ба иттилои Камитаи занон ва оилаи Тоҷикистон, соли 2025 беш аз дусад зан дар Тоҷикистон қасд ба ҷони худ карда, бархе аз ҳаёт маҳрум ва чанде аз сӯйи наздикон наҷот дода шудаанд. Мақомоти ин ниҳод ин оморро ташвишовар ва ҳамзамон ҳосили хушунат ё зургӯйӣ дар оилаҳо меноманд.

Як таҳқиқи тозаи парвандаҳои худкушӣ мегӯяд, тақрибан 25 дарсади худкушиҳо бо айби занон рух медиҳанд. Онҳо бо муносибати бераҳмона ва мунтазам паст задани шаъну эътибори инсон, сабаби қасди ҷони худ кардани касе, масалан, келини хонавода мешудаанд.

Созмонҳои ҳомии ҳуқуқ ҳукумати Тоҷикистонро пайваста танқид мекунанд, ки барои ҷилавгирӣ аз зӯроварӣ ба занону духтарон талоши кофӣ ба харҷ намедиҳанд.

Вай гуфтааст, мехост бо духтар оила бунёд кунад, вале наздикони духтар зидданд. Ин ҳолатро омбудсмени тоҷик дар гузориши махсуси худ оид ба “Вазъи риояи ҳуқуқ, баробарӣ ва барҳам додани ҳама навъҳои табъиз” нақл кардааст.

Дар гузориш, ки соли равон нашр шуд, омадааст, ваколатдор бо ҷалби кормандони ҳифзи ҳуқуқ бо волидони духтар сӯҳбат ва онҳоро аз "паёмадҳои қонунии нақзи баробарҳуқуқии шаҳрвандон" огоҳ кардаанд. Баъд аз дахолати мақомот, ҷавон бо дӯхтари дӯстдоштааш издивоҷ кардааст.

Назари волидони духтар маълум нест. Омбудсмени тоҷик дар пай аз монеагузории шахсони сеюм ба издивоҷи занону мардоне, ки ба синни никоҳӣ расидаанд, нигаронӣ кардааст.

Дар гузориш омадааст, ки ҳарчанд тибқи сарқонун, мардону занон дар ин син ҳаққи интихобу издивоҷи озодро доранд, аммо ба гуфтаи ӯ, гоҳе шахсони саввум дар ин маврид қонунро зери по мекунанд.

Дар маҷмӯъ дар соли гузашта 15 нафар ба Ваколатдори ҳуқуқи инсон аз табъиз ва нобаробарӣ шикоят кардаанд.

Дар Тоҷикистон мехоҳанд, то соли 2040 ҳудуди 2 млрд дарахт нишонанд. Дар ин бора Баҳодур Шерализода, раиси Кумитаи ҳифзи муҳити зисти Тоҷикистон рӯзи 23 апрел дар шаҳри Остонаи Қазоқистон дар Саммити минтақаии экологӣ, хабар дод.

Вай гуфт, пиряхҳо дар Тоҷикистон бо суръат об мешаванд, ҳаво гармтар ва олудатар мешавад, хушкӣ бештар мегардад. Барои пешгирӣ аз оқибатҳои ин тағйирёбӣ, дар Тоҷикистон ин теъдод дарахтро менишонанд.

Мақомоти ҳифзи муҳити зисти Тоҷикистон дар нишасти Остона гуфтанд, нишондани дарахт аз соли 2024 шуруъ шудааст ва то соли 2040 идома хоҳад кард.

Дар нишасти минтақавӣ, ки дар шаҳри Остона 22 апрел шуруъ шуда ва имрӯз, 24 апрел ба поён мерасад, раҳбарони кишварҳои Осиёи Марказӣ, созмонҳои ҳифзи муҳити зисти минтақавиву байналхалқӣ ва коршиносон ширкат карданд.

Дар ин нишаст масоили ташкили сиёсати муштарак барои ҳифзи муҳити зист, истифодаи босамари об ва муҳофизати олами набототу ҳайвоноти минтақа баррасӣ шуд.

Тоҷикистону Узбекистон, Қирғизистону Қазоқистон ва Туркманистон дар чанд соли гузашта сари тақсими об дар минтақа баҳсҳои зиёде доштанд.

Агарчӣ баҳсҳо фурӯ нишастаанд, вале ихтилофоти назар боқӣ мондааст ва аз тарафи дигар, сиёсатҳои худи ҳукуматҳо мушкилоти зиёди зистмуҳитӣ, аз қабили норасоии об, табоҳшавии замин, коҳиши ҷангалзорҳоро ба вуҷуд овардааст.

Аз оғози ҷанги Русия бо Украина дастикам 144 низомии рус аз хидмат фирор карда, ба куштор даст задаанд. Дар ин бора тарҳи "Север.Реалии"-и Бахши русии Радиои Озодӣ бо такя ба омори додгоҳҳои Русия хабар додааст.

Бино ба ин оморҳо, соли 2024 бисту шаш сарбоз ва соли 2025 аллакай 86 сарбози рус баъд аз фирор аз артиш ба куштор айбдор шудаанд. Гунаҳкоронро аз 8 то 13 сол ба маҳкум ба зиндон карданд.

Аз ин пеш лоиҳаи OSINT- Frontelligence Insight гузориш дода буд, ки мизони фирор аз артиши Русия дар соли 2025 ба фарқ аз соли пеш ду маротиб бештар шудааст.

Сокинони зиёде дар минтақаҳои ин кишвар ҳам аз афзоиши куштору ҷиноятҳои вазнин шикоят мекунанд.

Ба гуфтаи сокинон, ҷинояткорӣ маҳз пас аз баргаштани иштирокчиёни ҷанг аз Украина ба шаҳру деҳоти онҳо авҷ гирифтааст.

Дар Фурудгоҳи байнулмилалии Душанбе мақомот бо муҳоҷирони баргашта аз Русия ва онҳое, ки азми сафар ба ин кишварро доранд, суҳбату мулоқот мегузаронанд.

Бинои ба иттилои Хадамоти муҳоҷирати Вазорати меҳнат, муҳоҷират ва шуғли аҳолии Тоҷикистон, ҳадаф аз ин сӯҳбатҳо, ки акнун ҳамарӯза доир мешаванд, ҷалби муҳоҷирони баргашта ба ҷойҳои кори холӣ ва ба марказҳои касбу забономӯзӣ дар дохили кишвар будааст.

Ҳамчунин ба онҳое, ки роҳи муҳоҷиратро пеш гирифтаанд, машварат дода мешавад, ки барои гузаштан аз санҷиши шадид дар Русия, омодагии ҷиддӣ бинанд.

Намояндагони Хадамот дар фурудгоҳ ҳамчунин ба муҳоҷирон таъкид мекунанд, ки пеш аз сафар дақиқ кунанд, ки оё ҳаққи вуруд ба Русияро доранд ё на.

Барои ин ба таъкиди Хадамот, муҳоҷирон бояд ба намояндагии "Хадамоти шиносномавию раводид"-и Вазорати корҳои дохилии Русия дар Душанбе муроҷиат кунанд.

Ба муҳоҷирон ҳамчунин дар бораи қоидаву қонунҳои нави Русия маълумот дода мешавад.

Ин сӯҳбатҳо ва даъвати ҷавонон ба кор дар дохили кишвар дар ҳолест, ки муҳоҷирон борҳо гуфтаанд, ки ба далели маоши кам дар кишвар, маҷбуранд дар ҳар шароит роҳи муҳоҷиратро пеш гиранд.

Нерӯҳои имдодрасони Лубнон эълон карданд, ки ҷасади Омол Халил, хабарнигори лубнонӣ, ки дар пайи як ҳамлаи ҳавоии Исроил дар ҷануби ин кишвар кушта шуда буд, рӯзи чаҳоршанбе, 22 апрел аз зери вайронаҳо берун кашида шуд.

Дафтари расонаҳои Созмони дифои шаҳрвандии Лубнон эълон кард, имдодгарон "муваффақ шуданд ҷасади Омол Халил, хабарнигори кушташударо, ки дар натиҷаи ҳамлаи ҳавоӣ дар хонае дар шаҳри Ат-Тайри ҷон бохта буд, пайдо кунанд".

Рӯзномаи лубнонии Ал-Ахбор , ки ин хабарнигор барои он кор мекард, кушта шудани ӯро тасдиқ кардааст.

Вазорати иттилораъсони Лубнон низ бо тасдиқи хабари кушта шудани Омол Халил гуфт, ки ӯ дар ҳоли таҳияи гузориш аз минтақаҳои ҷанубӣ буд, ки "ҳадафи ҳамлаи артиши Исроил" қарор гирифт ва кушта шуд.

Онҳо ин ҳамларо нақзи қонунҳои байналмилалӣ донистанд.

Пештар мақомҳои лубнонӣ гуфта буданд, як гурӯҳи имдодрасон, ки ба гуфтаи Вазорати тандурустии ин кишвар, бо мошинҳои ёрии таъҷилӣ ва нишони Салиби Сурх, дар ҳоли талош барои интиқоли ду хабарнигор аз маҳали ҳамлаи ҳавоии Исроил буданд, ҳадафи "оташи барқасдона"-и артиши Исроил қарор гирифтанд.

Артиши Исроил ҳадаф қарор додани рӯзноманигоронро рад карда, монеи ҷустуҷӯи гурӯҳҳои имдодӣ дар минтақа шудааст. Артиши Исроил ҳамчунин дар вокуниш гуфтааст, ки "ин ҳодисаро баррасӣ мекунад".

Вазорати дифои Тоҷикистон мегӯяд, дар 20 рӯзи даъвати баҳории ҷавонон ба артиш, қариб 90 дарсади нақша иҷро шудааст.

Ин ниҳод рӯзи 22 апрел дар сомонааш хабар дод, ки аз миёни минтақаҳои кишвар Вилояти Мухтори Куҳистони Бадахшон, шаҳри Душанбе ва вилояти Хатлон нақшаи даъватро пурра иҷро намуданд.

Нақшаи даъват дар вилояти Суғд беш аз 78 фоиз ва шаҳру ноҳияҳои тобеи ҷумҳурӣ 76 дарсад иҷро шудааст. Мақомот аз афзоиши сафи ихтиёриён ба артиш мегӯянд.

Ҳарчанд имсол дар мавсими даъват шикоят аз "облава"-и ҷавонон дар роҳу хиёбонҳо ҳам зиёд нест, аммо сокинони бархе минтақаҳо аз фишор ба хонаводаи даъватшавандаҳо хабар медиҳанд.

Ба гуфтаи онҳо, мақомот бо ин роҳ онҳоро маҷбур месозанд, ки фарзандонашро ба хидмат фиристанд.

Даъвати баҳории ҷавонон аз 1-уми апрел шурӯъ шуда, то охири моҳи май идома мекунад ва ҷавонони солҳои таваллудашон 1997-2008 ба сафи артиш ҷалб мешаванд.

Дар Русия мизони ҷинояткорӣ аз сӯйи шаҳрвандони хориҷӣ якбора коҳиш ёфтааст. Дар ин бора Вазорати корҳои дохилии ин кишвар хабар додааст.

Ба иттилои ин ниҳод, дар 3 моҳи соли равон муҳоҷирон 40 дарсад камтар ҷиноят содир кардаанд. Мақомоти Русия сабабро ба пурзӯр шудани назорат аз болои муҳоҷирон ва истифода аз технологияҳои рақамӣ рабт медиҳанд.

Масъулини Вазорати корҳои дохилӣ аз ҷумла, роҳандозии замимаи "Амина"-ро яке аз омилҳои коҳиши ҷиноят хондаанд. Ин дар ҳолест, ки муҳоҷирон пайваста аз мушкил дар истифода ва сабти номи худ тариқи замимаи мобилии "Амина" шикоят мекарданд.

Дар гузориш омадааст, ки сохтакории ҳуҷҷатҳо дар вилояти Маскав тақрибан 77 дарсад коҳиш ёфтааст.

Тибқи иттилои пулиси Русия, ҷиноятҳои вазнин аз сӯйи муҳоҷирон 44 дарсад ва қочоқи маводи мухаддир беш аз 60 дар сад кам шудааст.

Қаблан муҳоҷирони зиёд, махсусан ронандаҳои таксӣ аз он шикоят мекарданд, ки бо туҳмат ин ҷиноят бар сарашон бор карда мешавад.

Ба гуфтаи ҳомиёни ҳуқуқ, бо ин роҳ маъмурини пулис муҳоҷиронро ба имзои қарордод бо Вазорати дифоъ маҷбур мекарданд.

Мақомоти расмии Тоҷикистон мегӯянд, дар муддати ду сол ба зидди тақрибан 200 нафар, аз ҷумла 80 зан бо иттиҳоми қочоқи инсон ва аз ҷумла, водор кардани духтарон ба танфурӯшӣ парвандаи ҷиноӣ боз кардаанд.

Дар як гузориши тозаи ҳукумат ба Созмони Милал, ки Радиои Озодӣ ҳам онро имрӯз дид, омадааст, ки ин афродро аз солҳои 2023 то соли 2025 ба ҷавобгарӣ кашидаанд ва дар ин муддат 55 парванда дар додгоҳҳо баррасӣ шуда ва аз ҷумла 38 зан барои ин ҷиноят ҷазо гирифтаанд.

Дар муддати ин солҳо бештар аз 600 шаҳрванди Тоҷикистон ғайриқонунӣ ба ҷое барои танфурӯшӣ ва ё кор бурда ва истисмор шудаанд.

Мақомоти расмӣ вақтҳои ахир дар бораи ба кишварҳои арабӣ бурдану ба танфурӯшӣ маҷбур кардани духтарони тоҷик мегӯянд ва чанде пеш як овозхони начандон шинохта дар кишварро бо айни иттиҳом дастгир кардаанд.

Созмонҳои ғарбӣ гуфтаанд, ки талошҳои ҳукумати Тоҷикистон барои пешгирӣ аз истисмори шаҳрвандон ва қочоқи онҳо кофӣ нест ва бояд дар ин бештар саъй кунад.

Эмомалӣ Раҳмон, раиси ҷумҳури Тоҷикистон аз таҳдиди камобӣ дар Осиёи Марказӣ, ки хонаи тақрибан 85 миллион нафар аст, ибрози нигаронӣ карда, хостори таҳкими ҳамкориҳо дар истифодаи босамари об дар минтақа шудааст.

Ӯ рӯзи 22 апрел зимни суханронӣ дар ҳамоиши минтақавии зистмуҳитӣ, ки дар шаҳри Остона сурат мегирад, гуфтааст, обшавии пиряхҳо, дар саросари ҷаҳон аз ҷумла Тоҷикистон, суръати бештар мегирад ва ин "ба вайроншавии тавозуни об, таҳдидҳо ба муҳити зист ва афзоиши фалокатҳои табиӣ оварда мерасонад".

Дар нишасти минтақавӣ, ки дар шаҳри Остона се рӯз идома мекунад ва раҳбарони кишварҳои Осиёи Марказӣ ҳам ҳузур доранд, масоили ташкили сиёсати муштарак барои ҳифзи муҳити зист, истифодаи босамари об ва муҳофизати олами набототу ҳайвоноти минтақа баррасӣ мешаванд.

Тоҷикистону Узбекистон, Қирғизистону Қазоқистон ва Туркманистон дар чанд соли гузашта сари тақсими об дар минтақа баҳсҳои зиёде доштанд.

Агарчӣ баҳсҳо фӯру нишастаанд, вале ихтилофоти назар боқӣ мондааст ва аз тарафи дигар сиёсатҳои худи ҳукуматҳо мушкилоти зиёди зистмуҳитӣ, аз қабили норасоии об, табоҳшавии замин, коҳиши ҷангалзорҳоро ба вуҷуд овардааст.

Муфаттишони Додситонии ҳарбии гарнизони Хоруғ ҳодисаи куштори Саломатшо Ғалчаев, як сокини 34-солаи ноҳияи Ванҷро таҳқиқ доранд.

Ҳодиса шаби 17-уми март дар деҳаи Рохарви Ванҷ бар сари робитаи Ивазмад Қодиров, афсари Вазорати корҳои дохилӣ бо як духтари мактабхон, ки хеши ҷавони кушташуда аст, рӯй дода буд.

Неъмат Ғалчаев, бародари Саломатшо Ғалчаев рӯзи 21-уми апрел дар сӯҳбати телефонӣ бо Радиои Озодӣ гуфт, муфаттишон рӯзи ҷумъаи гузашта ба манзили бародараш омада, бо ҳамсару хоҳараш дар бораи ҷузъиёти ҳодисаи шаби 17 март сӯҳбат карданд.

Ба қавли Неъмат Ғалчаев, муфаттишон гуфтаанд, ки парванда такмил шудааст ва эҳтимол дорад ҳафтаи оянда ба додгоҳ фиристода шавад. Ӯ умедворӣ кард, ки мурофиаи парвандаи куштори бародараш, ки соҳиби шаш фарзанд аст, мунсифона сурат мегирад ва афсари пулис ҷазои сазовор хоҳад гирифт.

Алайҳи Ивазмад Қодиров, командири ротаи фаврии таъйиноти махсуси Қӯшунҳои дохилӣ дар ноҳияи Ванҷ бо ҷурми "куштори одам" ва ҳолатҳои дигар, парвандаи ҷиноӣ боз шудааст.

Дар ҳоли ҳозир мавқеи ӯ ва наздиконаш ба қазия маълум нест.

Хабаргузории "Рейтерз" рӯзи 21 апрел ба нақл аз се манбаъ гузориш дод, ки Русия қасд дорад аз аввали моҳи май интиқоли нафт аз Қазоқистон ба Олмонро аз тариқи хати лӯлаи "Дружба", қатъ кунад.

Манбаъҳои "Рейтерз", ки нахостанд номашон ошкор шавад, гуфтанд, ки ҷадвали ислоҳшудаи содироти нафт ба Олмон ва Қазоқистон фиристода шудааст.

"Рейтерз" қатъи интиқоли нафтро ба танишҳо байни Маскав ва Берлин бинобар ҷанги Русия дар Украина, рабт додааст.

Дмитрий Песков, сухангӯи раёсати ҷумҳури Русия гуфтааст, аз қатъи интиқоли нафт хабар надорад ва бояд ин суолро аз ширкатҳои зирабт пурсид.

Хабаргузории русии "Интерфакс" ба нақл аз Песков навишт, "ман дар ин бора маълумоте надорам. Шумо бо ширкатҳои дахлдор тамос бигиред. Мо талош хоҳем кард вазъро рӯшан кунем, аммо ман омода нестам ҳеч посухе бидиҳам".

Ба гузориши "Рейтерз", Вазорати энержии Қазоқистон ва ҳукумати Олмон ба дархостҳо барои ибрози назар, посух надодаанд.

Дар соли 2025 содироти нафт аз Қазоқистон ба Олмон аз тариқи хати лӯлаи Русия ба тақрибан 43 ҳазор бушка дар рӯз расид, ки нисбат ба соли 2024, 44 дарсад бештар буд.

Арабистони Саудӣ қоидаи қабули зоирон дар мавсими ҳаҷ барои соли 2026-ро сахттар кард ва сар аз 13 апрел онҳо танҳо бо иҷозатнома ё визаи махсус ҳаққи даромадан ба Маккаро хоҳанд дошт. Шарти нав барои сафар ба ҳаҷро Вазорати умури дохилии Арабистони Саудӣ рӯзи 21 апрел эълон кард.

Бино ба қоидаҳои нав, аз 18 апрел то 31 майи соли равон барои дорандагони тамоми навъҳои виза, аз ҷумла раводиди сайёҳӣ ва умра ба ҷуз аз визаи махсуси ҳаҷ, ворид шудан ба Макка ва маконҳои дигари муқаддас манъ аст. Зоироне ҳам, ки бо ҳадафи адои ҳаҷҷи умра дар Макка қарор доранд, бояд то рӯзи 18 май он ҷоро тарк кунанд.

Ширкатҳои миёнрав ё ташкилкунандагони сафари ҳаҷ, барои вайрон кардани ин қоидаҳо 26 ҳазор доллар ҷарима хоҳанд шуд. Ҳамчунин роҳи онҳо барои 10 сол ба ин кишвар баста мешавад.

Моҳи равон Кумитаи дин ва танзими ҷашну маросими Тоҷикистон ҳам ба шаҳрвандон ҳушдор дода буд, ки аз сафар бо роҳҳои ғайрирасмӣ худдорӣ кунанд. Қарор аст гусели аввалин гурӯҳи зоирони тоҷик ба ҳаҷҷи фарзӣ дар соли равон аз 6 май шурӯъ шавад.

Нархи ҳаҷ имсол 53 ҳазор сомонӣ муқаррар шудааст. Ҳамасола беш аз 5 ҳазор нафар аз Тоҷикистон барои адои ҳаҷҷи фарзӣ ба Арабистони Саудӣ сафар мекунанд.