Аз шаш бозии даври сеюми мусобиқаи лигаи аввали футболи Тоҷикистон панҷтоаш бо пирӯзии меҳмонон ва як бозӣ бо натиҷаи мусовӣ ба анҷом расид.
Ба иттилои Лигаи футболи Тоҷикистон, дастаи «Ҳосилот»-и Фархор, ки пайиҳам се пирӯзӣ ба даст овард, дар ҷадвали мусобиқа дар мақоми аввал қарор дорад. «Ҳосилот» дар даври сеюм дар меҳмонӣ «Пахтакор»-и Ҷаббор Расуловро бо ҳисоби 2:1 мағлуб кард.
Дар бозии дигари даври гузашта «Панҷшер»-и Ҷалолиддини Балхӣ ба дарвозаи дастаи мизбон – «Исфара»-и шаҳри Исфара – панҷ голи беҷавоб зад. «Равшан»-и Зафаробод низ дар меҳмонӣ «Барқчӣ»-и Ҳисорро бо ҳисоби 3:1 шикаст дод. «Ҳулбук»-и Восеъ дар майдони худ аз “Регар-ТадАЗ”-и Турсунзода бо ҳисоби 1:2 мағлуб шуд.
“Душанбе”-и Душанбе дар сафар бар “Моҳир”-и Ёвон бо ҳисоби 2:1 ғолиб омад. Танҳо як бозӣ миёни дастаҳои «Саройкамар»-и Панҷ ва «Ваҳдат»-и шаҳри Ваҳдат бо ҳисоби мусовӣ ва бидуни гол хотима ёфт.
Ба ин тартиб, дастаи “Ҳосилот” бо 9 имтиёз дар ҷадвали мусобиқаи лигаи аввал пешсафи ягона шуд. “Панҷшер” бо 7 имтиёз дар ҷойи дуюм ва “Равшан” бо 6 имтиёз дар ҷойи сеюм қарор доранд.
Бозиҳои даври чоруми мусобиқаи лигаи аввали футболи Тоҷикистон рӯзи ҷумъа, 14-уми май, баргузор мешаванд.
Мусобиқаи лигаи аввали футболи Тоҷикистон. Даври 3-юм
«Барқчӣ» – «Равшан» – 1:3
Голҳо: Бахтиёр Зарипов, 9 (0:1). Умедҷон Давлатбеков, 34 (0:2). Бахтиёр Зарипов, 44 (0:3). Умедҷон Рамазонов, 76 (1:3).
Аз майдон хориҷ шуданд: Бахтиёр Зарипов («Равшан»), 49 – рафтори хашин, Зиёвуддин Фузайлов («Равшан»), 51 – қоидаи бозиро ба таври ҷиддӣ вайрон кардан, Мизроб Усмонов («Барқчӣ»), 72 – қоидаи бозиро ба таври ҷиддӣ вайрон кардан.
Беҳтарин бозигари дидор: Ҳасан Холов («Равшан»).
«Ҳулбук» – «Регар-ТадАЗ» – 1:2
Голҳо: Эмомалӣ Аҳмадхон, 20 (0:1). Насимҷон Соҳибназаров, 47 (1:1). Шерзод Маҳамадиев, 54 (1:2).
Аз майдон хориҷ шуд: Насимҷон Соҳибназаров («Ҳулбук»), 69 – барои ба рӯи ҳариф задан.
Беҳтарин бозигари дидор: Шерзод Маҳамадиев («Регар-ТадАЗ»).
«Моҳир» – «Динамо» – 1:2
Голҳо: Абдулфаттоҳ Худойдодзода, 40 (0:1). Баҳровар Ҳалимов, 59 (0:2). Фахриддин Аҳтамов, 90+3 (1:2).
Беҳтарин бозигари дидор: Меҳрубони Абдурауф («Динамо»).
«Пахтакор» – «Ҳосилот» – 1:2
Голҳо: Далер Чолов, 30 (0:1). Муҳаммадҷон Шерзода, 45+1 (0:2). Меҳроҷ Шарифзода, 89 – аз пеналти (1:2).
Беҳтарин бозигари дидор: Далер Чолов («Ҳосилот»).
«Саройкамар» – «Ваҳдат» – 0:0
Аз майдон хориҷ шуд: Ҳоҷибек Шукуров («Саройкамар»), 87 – барои бо мушт ба рӯи сардовар задан.
Беҳтарин бозигари дидор: Умед Азизов («Ваҳдат»).
«Исфара» – «Панҷшер» – 0:5
Голҳо: Маҳмадшо Шомирсаидов, 17 (0:1). Шавкат Худойназаров, 53 – аз пеналти (0:2). Қурбонбой Шералиев, 54 (0:3). Маҳмадшо Шомирсаидов, 70 (0:4). Қурбоналӣ Сайфуддинов, 87 (0:5).
Беҳтарин бозигари дидор: Шавкат Худойназаров («Панҷшер»).
Мавқеи дастаҳо дар ҷадвали мусобиқа
|
Ҷ |
ДАСТАҲО |
Б |
Ғ |
М |
Б |
Т |
И |
|
1 |
«Ҳосилот» (Фархор) |
3 |
3 |
0 |
0 |
7-3 |
9 |
|
2 |
«Панҷшер» (Ҷалолиддини Балхӣ) |
3 |
2 |
1 |
0 |
10-4 |
7 |
|
3 |
«Равшан» (Зафаробод) |
3 |
2 |
0 |
1 |
8-3 |
6 |
|
4 |
«Ҳулбук» (Восеъ) |
3 |
2 |
0 |
1 |
7-5 |
6 |
|
5 |
«Динамо» (Душанбе) |
3 |
2 |
0 |
1 |
6-4 |
6 |
|
6 |
«Регар-ТадАЗ» (Турсунзода) |
2 |
2 |
0 |
0 |
3-1 |
6 |
|
7 |
«Ваҳдат» (Ваҳдат) |
3 |
1 |
1 |
1 |
2-3 |
4 |
|
8 |
«Барқчӣ» (Ҳисор) |
3 |
1 |
0 |
2 |
4-6 |
3 |
|
9 |
«Пахтакор» (Ҷаббор Расулов) |
3 |
0 |
1 |
2 |
5-7 |
1 |
|
10 |
«Саройкамар» (Панҷ) |
3 |
0 |
1 |
2 |
1-3 |
1 |
|
11 |
«Моҳир» (Ёвон) |
3 |
0 |
0 |
3 |
3-9 |
0 |
|
12 |
«Исфара» (Исфара) |
2 |
0 |
0 |
2 |
0-8 |
0 |
Даври 4-ум
14-уми май (ҷумъа)
Оғози бозиҳо – соати 17:00
«Равшан» – «Динамо»
«Регар-ТадАЗ» – «Моҳир»
«Панҷшер» – «Ҳулбук»
«Ваҳдат» – «Исфара»
«Ҳосилот» – «Саройкамар»
«Барқчӣ» – «Пахтакор»
