Пайвандҳои дастрасӣ

Хабари нав

Манучеҳр Ҷалилов бори сеюм беҳтарин нишонзани қаҳрамонии футболи Тоҷикистон гардид


Манучеҳр Ҷалилов.

Ҳамлагари 31-солаи бошгоҳи футболи «Истиқлол»-и Душанбе ва тими мунтахаби миллии Тоҷикистон Манучеҳр Ҷалилов бори сеюм беҳтарин нишонзани мусобиқоти қаҳрамонии кишвар миёни дастаҳои лигаи олӣ гардид. Дар ин бора сомонаи Федератсияи футболи Тоҷикистон хабар медиҳад.

Ба иттилои манбаъ, ӯ аз ин пеш солҳои 2015 ва 2016 беҳтарин голзани мусобиқоти қаҳрамонии Тоҷикистон шудааст. Дар мусобиқаи ҷашнии қаҳрамониии Тоҷикистон, ки бори сиюм доир гардид, Манучеҳр Ҷалилов ҳаждаҳ гол ба самар расонидааст.

Баъди ӯ дар рӯйхати нишонзанҳои беҳтарини мусобиқаи имсола Рустам Соиров («Истиқлол»), ки 15 тӯб задааст, қарор дорад. Мақоми сеюмро капитан ё сарвони дастаи «Истаравшан»-и шаҳри Истаравшан Илҳомҷон Баротов азони худ кардааст. Вай 13 гол задааст. Ҷойҳои минбаъдаро Алишер Ҷалилов («Истиқлол») ва Дилшод Бозоров («Хуҷанд»), ки 12-голӣ задаанд, ишғол мекунанд.

Ба ғайр аз Манучеҳр Ҷалилов боз як нафар – ҳамлагар Дилшод Восиев, ки феълан дар КМВА (Клуби марказии варзишии артиш)-и Душанбе бозӣ мекунад, се бор (солҳои 2012, 2014 ва 2017) дар ҳайати “Истиқлол” нишонзани беҳтарини мусобиқоти қаҳрамонии Тоҷикистон гардидааст.

Ҳамаи нишонзанҳои беҳтарини мусобиқоти қаҳрамонии футболи Тоҷикистон (1992-2021):

1992 – Умед Алидодов («Помир», Душанбе) – 11 тӯб.

1993 – Холмурод Зардов («Помир», Душанбе) – 30 тӯб.

1994 – Давлат Содиқов («Ҳулбук», Восеъ) – 26 тӯб.

1995 – Зокир Бердиқулов («Истаравшан», Истаравшан) – 42 тӯб.

1996 – Муҳиддин Иззатуллоев («Равшан», Кӯлоб) – 35 тӯб.

1997 – Рустам Усмонов («Вахш», Қӯрғонтеппа) – 21 тӯб.

1998 – Назиршо Ризомов («Саддам», Сарбанд) – 25 тӯб.

1999 – Ораз Назаров («Варзоб», Душанбе) – 27 тӯб.

2000 – Мансур Ҳакимов («Хуҷанд», Хуҷанд) – 28 тӯб.

2001 – Пирмурод Бурҳонов («Регар-ТадАЗ», Турсунзода) – 20 тӯб.

2002 – Ҷомихон Муҳиддинов («Хуҷанд», Хуҷанд) – 29 тӯб.

2003 – Осим Бобоев («Регар-ТадАЗ», Турсунзода) – 38 тӯб.

2004 – Суҳроб Ҳамидов («Регар-ТадАЗ», Турсунзода) – 33 тӯб.

2005 – Аҳтам Ҳамроқулов («Вахш», Қӯрғонтеппа) – 12 тӯб.

2006 – Фозил Сатторов («Тоҷиктелеком», Қӯрғонтеппа) – 20 тӯб.

2007 – Суҳроб Ҳамидов («Хима», Душанбе) – 21 тӯб.

2008 – Нуъмон Ҳакимов («Парвоз», Бобоҷон Ғафуров) – 30 тӯб.

2009 – Нуъмон Ҳакимов («Вахш», Қӯрғонтеппа) – 15 тӯб.

2010 – Юсуф Рабиев («Истиқлол», Душанбе) – 30 тӯб.

2011 – Юсуф Рабиев («Истиқлол», Душанбе) – 32 тӯб.

2012 – Дилшод Восиев («Истиқлол», Душанбе) – 24 тӯб.

2013 – Ҳусейни Суҳробӣ («Истиқлол», Душанбе) – 11 тӯб.

2014 – Дилшод Восиев («Истиқлол», Душанбе) – 15 тӯб.

2015 – Манучеҳр Ҷалилов («Истиқлол», Душанбе) – 22 тӯб.

2016 – Манучеҳр Ҷалилов («Истиқлол», Душанбе) – 22 тӯб.

2017 – Дилшод Восиев («Истиқлол», Душанбе) – 16 тӯб.

2018 – Шериддин Бобоев («Истиқлол», Душанбе) – 12 тӯб.

2019 – Шериддин Бобоев («Истиқлол», Душанбе) – 16 тӯб.

2020 – Илҳомҷон Баротов («Истаравшан», Истаравшан) – 18 тӯб.

2021 – Манучеҳр Ҷалилов («Истиқлол», Душанбе) – 18 тӯб.

Шарҳҳо

Шарҳи нав расид
Идома
XS
SM
MD
LG