Виктор Мануэл Рочаи 73-сола дар моҳи декабри соли 2023 дастгир шуд.
Вай ҳамчунин вазифадор шудааст, ки ним миллион доллар ҷарима бипардозад.
Роча чанд даҳа фаъолияти дипломатӣ дошт. Дар Боливия сафир буд ва дар Дафтари муҳофизат аз манфиатҳои Амрико дар Гавана кор кардааст.
Парвандаи Мануэл Роча бар асоси эътирофҳои худи ӯ ташкил шуда, ки дар солҳои гузашта ба як маъмури махфии FBI нақл кардааст. Ин маъмури FBI дар назди Мануэл Рача худро ҷосуси Куба муаррифӣ карда буд.
Бар асоси парванда, Мануэл Роча дар изҳороти худ Амрикоро "душман" ва Фидел Кастро, раҳбари пешини Кубаро "фармондеҳ" номида, дар бораи чиҳил сол ҷосусии худ барои Куба дар ҳалқаи мақомоти Вазорати корҳои хориҷии Амрико лоф зада будааст.
