Полиси Испониё мегӯяд, маводи хоми бомбасозиро кашф ва 14 нафарро бо гумони ҳампайвандӣ бо терроризми исломӣ боздошт кардааст. Амалиёт дар шаҳри шимолии бандарии Барселона ба вуқӯъ пайвастааст. Дар ҳамлаи террористон дар 11 марти соли 2004 дар Мадриди Испониё 191 нафар кушта шудаанд.

Дар як гузориши солона, ки бо ҳимояти Созмони Милали Муттаҳид таҳия ва рӯзи 24 апрел нашр шуд, омадааст, ки соли гузашта аз се ду қисми афроде, ки дар саросари ҷаҳон бо бӯҳрони ғизоӣ рӯбарӯ буданд, дар даҳ кишвар зиндагӣ мекунанд.

Бар асоси ин гузориш дар бораи бӯҳрони ғизо, ки бар пояи маълумоти СММ, Иттиҳоди Аврупо ва ниҳодҳои башардӯстона таҳия шудааст, ҷангҳо ва даргириҳо ҳамчунон сабаби аслии ноамнии сахти ғизоӣ боқӣ мондаанд. Илова бар ин, тағйироти иқлим низ сабаби афзоиши гуруснагӣ ва фақр шудааст.

Дар ин гузориш омадааст, ки Афғонистон, Покистон, Бангладеш, Ҷумҳурии Мардуми Конго, Мянмар, Нигерия, Судон, Судони Ҷанубӣ, Сурия ва Яман аз ҷумлаи кишварҳое буданд, ки дар соли 2025 шумори зиёде аз сокинонаш бо бӯҳрони ғизоӣ рӯбарӯ буданд.

Дар ин гузориш аз бархе талошҳо дар Афғонистон, Бангладеш, Сурия ва Мянмар ситоиш шудааст, ки монеъ аз бадтар шудани вазъ шуданд.

Бар асоси ин гузориш, дар соли 2025 ҳудуди 266 миллион нафар дар 47 кишвар ва минтақаи ҷаҳон бо камбуди шадиди маводи ғизоӣ рӯбарӯ буданд, ки ин рақам дар муқоиса бо соли 2016 тақрибан ду баробар афзоиш ёфтааст.

Ин гузориш аз коҳиши босуръати кӯмакҳои ҷаҳонӣ ҳушдор дода ва гуфтааст, ки агар вазъият ба ҳамин минвол идома кунад, вазъ дар соли ҷорӣ низ тира хоҳад буд.

Аббос Ароқчӣ, вазири корҳои хориҷии Эрон рӯзи 26 апрел дар идомаи сафарҳои хориҷии худ дар робита ба музокирот бо Амрико, бо Ҳайсам бин Ториқ, султони Умон, дидор кард.

Хабаргузории давлатии Эрон дар хабаре умумӣ ва бе зикри ҷузъиёт навишт, ки ин дар бораи "талошҳои миёнҷигарӣ ва талошҳое, ки бо ҳадафи поён додан ба даргириҳо анҷом мешавад", гуфтугӯ кардаанд.

Вазорати корҳои хориҷии Эрон пештар эълон карда буд, ки Аббос Ароқчӣ пас аз сафар ба Покистон, қарор аст ба Масқат, пойтахти Умон, сафар кунад.

Умон то лаҳзаи оғози ҳамлаҳои муштараки Амрико ва Исроил ба хоки Эрон дар 28 феврали соли ҷорӣ, нақши миёнанарав байни Теҳрон ва Вашингтонро иҷро мекард.

Дар хабарҳо омада буд, ки Ароқчӣ пас аз дидор бо мақомоти Умон, эҳтимолан ба Исломобод, пойтахти Покистон, боз хоҳад гашт

Хабаргузории эронии ИЛНА дар ин бора навишт, "бар асоси барномарезии эълоншуда аз сӯи Вазорати корҳои хориҷӣ, вазири умури хориҷӣ қарор аст баъд аз поёни сафар ба Умон ва қабл аз сафар ба Русия, бори дигар аз Покистон дидан кунад".

Дар ҳамлаҳои Русия ба ҷануб-шарқи Украина даҳҳо нафар кушта ва захмӣ шуданд.

Мақомоти украинӣ мегӯянд, ки дар идомаи ҳамлаҳои мушакӣ ва паҳбодии Русия ба шаҳри Днепро дар рӯзи 25 апрел, 10 тан кушта ва 49 нафар маҷрӯҳ гаштанд.

Алексадр Ханжа, раиси вилояти Днепро гуфтааст, ки дар ҳамлаи аввал, бахши калоне аз як бино пас аз ҳамла фурӯ рехт ва дар он чаҳор ҷасад пайдо шуд.

Ба гуфтаи ӯ, ин маҳал давоми рӯз дар ҳоле, ки наҷотбахшон дар ҳоли кор буданд, дубора мавриди ҳамла қарор гирифт, ки дар натиҷа 2 нафар кушта ва ҳафт тани дигар захмӣ шуданд.

Нерӯҳои ҳавоии Украина эълон карданд, ки ҷониби Русия 619 паҳбод ва 47 мушакро давоми шаб партоб кард, ки аз ин миён 580 паҳбод ва 30 мушак аз сӯи нерӯҳои онҳо раҳгирӣ ва сарнагун шуданд.

Як таҳлил дар Тоҷикистон маълум кардааст, ки аксаран ноболиғоне даст ба ҷиноят мезананд, ки аз таҳсил дур мондаанд.

Бино ба гузориши Ваколатдори ҳуқуқи кӯдак дар Тоҷикистон, аз 842 наврасе, ки соли гузашта ҷиноят содир кардаанд, беш аз 500 нафар онҳое будаанд, ки ба таҳсил фаро гирифта нашудаанд.

Дар ин гузориш, ки соли равон нашр шуд, Ваколатдор бо такя ба омори Вазорати корҳои дохилӣ аз афзоиши ҷинояткории наврасон хабар дода, вазъро нигаронкунанда хондааст.

Ба таъкиди ӯ, дур мондани кӯдакон аз мактаб хатари ҷинояткорӣ дар миёни онҳоро бештар мекунад. Дар гузориш мисоли мушаххасе оварда нашудааст, аммо мақомот пайваста аз кордкашиву занозан ва дуздии наврасон хабар медиҳанд.

Омбудсмен ҳамчунин ҷинояткорӣ нисбати ноболиғонро ҳам ташвишовар хонда, гуфтааст, дар ин давра нисбати наврасон 1440 ҷиноят, аз ҷумла одамкушӣ, таҷовуз ба номус ва ҳаракатҳои бадахлоқона, содир шудааст.

Нигаронии ваколатдори ҳуқуқи кӯдак аз дур мондани ноболиғон аз таҳсил дар ҳолест, ки Вазорати маорифи Тоҷикистон ин мавзӯъро ҳалшуда хонда, гуфта буд, кӯдакон пурра ба мактаб фаро гирифта шудаанд.

Созмонҳои дифоъ аз ҳуқуқи кӯдакон, аз ҷумла, ЮНИСЕФ дар солҳои гузашта борҳо мавзӯи канор мондани наврасони тоҷик аз таҳсилро матраҳ карда буданд.

Дар ин бора оҷонсии Мизони вобаста ба низоми додгустарии Эрон хабар дод. Ин хабаргузорӣ навишт, ҳукми қатли эътирозгар баъди он иҷро шуд, ки додгоҳи олии Эрон ҳукми пешинро бетағйир гузошт.

Мақомот Киёниро, ки маълум нест чандсола буд, дар раҳбарии гурӯҳе муттаҳам карданд, ки талош дошт рӯзи 8 январ моликияти ҷамъиятиро дар чорроҳаи Пирӯзии шаҳри Исфаҳон хароб кунад.

Дар айбномаи ӯ “хароб кардани моликияти ҷамъиятӣ ва хусусӣ, оташ задан, нигаҳдорӣ ва истифодаи коктейли Молотов, нигаҳдории силоҳҳо, масдуд кардани роҳи мошингард, ҳамла ба афсарон, эҷоди тарсу воҳима дар миёни шаҳрвандон” чун амалҳои ҷиноии содиркардаи ӯ ёд шудааст.

Дар бораи он ки мурофиаҳои додгоҳӣ чӣ гуна гузашту худи ӯву наздиконаш дар додгоҳ чӣ гуфтанд ва дигар ҷузъиёти парвандаи ӯ ҳеҷ иттилое дар даст нест. Инчунин иттилои дигаре дар бораи шахсияти ӯ нашр нашудааст, мегӯяд Радио Фардо.

Эътирозҳои сартосарӣ дар Эрон моҳи январ бераҳмона саркӯб шуданд. HRANA - як созмони нозири ҳуқуқи инсон дар Эрон, ки дар ИМА воқеъ аст, қатли ҳазорҳо нафарро дар ҷараёни ин саркӯбҳо санҷид. Ин гурӯҳ гуфт, ки омори тасдиқшудаи кушташудаҳо аз ҷониби онҳо беш аз 6 ҳазор нафарро ташкил медиҳад. Бисёриҳо ҳабс шудаанд.

Хабаргузории Anadolu навишт, назорати иҷрои ин қонунро таъминкунандагони ин хадамот ба ӯҳда мегиранд. Бино ба ин санад, провайдер бояд тадбирҳои зарурии вобаста ба мушаххас кардани синнусоли корбарро роҳандозӣ кунад. Дар сомонаҳои провайдерҳои интернет бояд қоидаҳои зарурӣ нашр шаванд.

Баробар бо ин, назорати волидон аз фаъолияти фарзандонашон дар интернет ҳам танзим мешавад ва онҳо бояд бидонанд, ки фарзандашон чӣ гуна дар интернет сабтином шуда ба кадом сомонаву каналҳо обуна мешавад. Ба калонсолон роҳҳои назорат аз фаъолияти фарзандашон дар интернет таҳия мешаванд. Қоидаҳои нав ба бисёр пойгоҳҳои иҷтимоӣ, аз ҷумла YouTube, TikTok, Facebook ва Instagram марбут мешавад.

Каме пештар вазири адлияи Оқин Гурлек гуфт, ки ҳукумат тарҳи қонуни манъи истифодаи шабакаҳои иҷтимоӣ аз ҷониби кӯдаконро таҳия кардааст. Ин тарҳ баъди имзои президент ҳукми қонунро мегирад.

Ин санад баъди он имзо шуд, ки як мактабхони 14-сола дар мактаби шаҳри Қаҳрамонмараш нӯҳ талаба ва як омӯзгорро куштааст. Дар шарҳи ин ҳодиса президент Раҷаб Тайиб Эрдуғон гуфт, замимаҳои рақамӣ ба зеҳни кӯдакон таъсири бад мерасонанд ва шабакаҳои иҷтимоӣ ҳам ба “қуттии партов” табдил шудаанд.

Вазорати нақлиёт ва мухобироти Қирғизистон рӯзи 24 апрел гуфт, долони нави Қирғизистон-Чин-Покистон дар чаҳорчӯби стратегияи рушди гузаргоҳҳои байналмилалии нақлиётӣ ва роҳҳои мустақими расидан ба бандарҳои баҳрии ҷаҳонӣ амалӣ шудааст.

Самти роҳ аз шаҳри Бишкек шурӯъ шуда тавассути гузаргоҳи Торугарт ба самти Қошғар-Хунҷераб-Исломобод-бандари Карочӣ мегузарад. Тӯли ин долони нақлиётӣ 3,3 ҳазор км мебошад.

Вазорати нақлиёти Қирғизистон бовар дорад, ки имкониятҳои ҳамлу нақли ин кишвар ва додугирифтҳои беруна бештар шуда, роҳи расидан ба соҳилҳои баҳрӣ ҳам осон мегардад.

Инҳо – Корхонаи кимиёии Фарғона ва корхонаи Raw Materials Cellulose воқеъ дар Ҷиззах мебошанд. Дар ин бора сомонаи Комиссиюни Аврупо хабар додааст.

Дар матни бастаи 20-уми таҳримҳо омадааст, ки корхонаи кимиёии Фарғона ба корхонаҳои борути Перм ва Қазон ва Raw Materials Cellulose ба корхонаи борути Тамбови Русия маҳсулот таъмин мекарданд.

Ба муассисаҳои аврупоӣ ҳамакнун ҳама гуна додугирифту ҳамкориҳо бо ин ду корхона манъ мебошад. Аз ин пеш ин ду корхона мавриди таҳримҳои Бритониё ва Украина қарор гирифта буданд.

Дирӯз дар бораи таҳрим шудани як ширкате аз Қазоқистон ва чанд муассисаи молӣб аз Қирғизистон ҳам маълум шуд.

Иттиҳоди Аврупо додугирифтҳо бо «Керемет банк» ва «Капитал банк»-ро манъ кард. Ин ду муассиса соли 2025 ҳам мавриди маҳдудиятҳои Бритониё қарор гирифтанд. Дар Брюссел ба ин боваранд, ки ин бонкҳо барои давр задани таҳримҳои зидди Русия, аз ҷумла барои ирсоли паёмҳои пулӣ тавассути низоми СПФС мусоидат мекарданд. Ин низом аз соли 2024 мавриди таҳрим аст.

Ба иловаи ин, ташкилоти қирғизистонии A7A5 ҳам, ки мудирияташ дар ихтиёри биржа ё бозори асъор буда, бо пули рақамии стейблкоин тиҷорат мекунад, мавриди таҳрим қарор дода шуд. Ин пули рақамӣ ба рубли русӣ пайванд дода шудааст. Он соли 2025 пайдо шуд ва барои содда кардани пардохтҳо бо кишварҳо истифода мешавад. Дар Иттиҳоди Аврупо мегӯянд, ин василаҳоро метавонанд барои давр задани таҳримҳо истифода кунанд.

Аз Қазоқистон ширкати воқеъ дар Алмати бо номи United Trading Group таҳрим шудааст. Он соли 2022, баъди шурӯи ҷанги Русия дар хоки Украина таъсис ёфт. Бино ба маълумот аз манбаъҳои боз, ширкат як коргар дорад ва дар чор сол беш аз 111 миллион танга андоз супурдааст. Маоши коргар дар сатҳи 85 ҳазор танга мондааст. Муассиси ин корхона Алимҷон Беков ҳам таҳрим шудааст. Дар Иттиҳоди Аврупо мегӯянд, ширкат метавонист ба Русия барои ҳадафҳои саноатӣ дар интиқоли гидрогени хлорид тавассути қаламрави Қазоқистон мусоидат кунад.

Дар ҳамин қарораш Иттиҳоди Аврупо се бонки Тоҷикистонро, ки давоми ним соли охир барои кӯмаки ғайримустақимашон ба ҷанги Русия дар Украина таҳти таҳрим қарор дода буд, аз феҳрасти "сиёҳ" берун кардааст.

Радио Свобода менависад, ин бино муассисаи истиқоматии "Тринити" дар маркази шаҳр мебошад. Ҳамлаи асосӣ ба қисмати болоии бино - аз ошёнаҳои 25 то 30-юмро фаро гирифтааст. Сокинони маҳаллӣ навиштанд, ки садои аввалин таркишҳоро соатҳои 7-и субҳ шуниданд.

Нашрияи Е1 аз забони сокинони маҳаллӣ навиштааст, ки на пеш аз ин ҳамла ва на баъди он ҳеҷ огаҳие дар бораи хатари ҳамлаҳои бесарнишинҳо ба онҳо дода нашуд. Баъзе ширкатҳои мобилӣ чунин огаҳиро хеле дер баъди ҳамла фиристоданд.

Ин аввалин бор аст, ки дар ҳудуди вилояти Свердловски Русия ҳамлае сурат мегирад. Екатеринбург дар фосилаи 2 ҳазор км дуртар аз сарҳади Украина ҷойгир мебошад.

Дар вазорати дифои Русия гуфтанд, ки дар шаби гузашта дар фазои минтақаҳои ин кишвар ва Қрими ишғолшуда 127 паҳподи украинӣ маълум ва безарар гардонида шуд. Дар фурудгоҳҳои Екатеринбург, Челябинск, Перм, Волгоград ва Краснодар маҳдудияти парвоз амал мекард.

Рӯзи 23 апрел сомонаи Хадамоти гумруки Тоҷикистон навишт, мулоқот дар рӯбарӯи гузаргоҳи Саразми Тоҷикистон, дар марзи ноҳияи Ургути вилояти Самарқанд бо ҷамоати Саразми шаҳри Панҷакент барпо шуд.

Ҳайатҳоро муовини якуми сардори Хадамоти гумруки Тоҷикистон Азим Турсунзода ва муовини раиси Кумитаи гумруки назди Вазорати иқтисод ва молияи Ӯзбекистон Нодир Мӯсомуҳаммадов намояндагӣ карданд.

Бино ба ин хабар, “ҷонибҳо масъалаҳои боз ҳам осон намудани ҳаракати молу маҳсулот ва воситаҳои нақлиёт тавассути сарҳади гумрукӣ, такмили фаъолияти нуқтаҳои гузаргоҳ ва таҳкими ҳамкории байниидоравиро муҳокима карданд”.

Дар ин мулоқот инчунин дар бораи роҳҳои рақамикунонии фаъолияти гумрукӣ сӯҳбат шуда, Тоҷикистон “низоми шиносоӣ ва барасмиятдарории воситаҳои нақлиёт — VIN.TJ-ро, ки аз 16 марти соли 2026 мавриди истифода қарор гирифтааст, муаррифӣ намуд”.

Ҷузъиёте аз ин беш дода намешавад ва ҳам маълум нест, то куҷо дар ин нишаст шикояти як моҳ пеши ронандагони мошинҳои боркаш баррасӣ шудааст.

Радиои Озодӣ поёни моҳи март аз забони гурӯҳи ронандагони мошинҳои борбар хабар дод, ки давоми ду ҳафта дар гузаргоҳи гумрукии "Дӯстӣ" миёни шаҳри Турсунзодаи Тоҷикистон ва Сариосиёи вилояти Сурхандарёи Узбекистон барои дарёфти иҷозаи убури марз навбат истодаанд.

Бархе аз ронандагон як сабабро дар гарон ва хурд будани истгоҳи гузаргоҳи гумрукӣ медонанд. Ба иддаои онҳо, барои зудтар гузаштан аз марз аз ронандагони мошинҳои боркаш ҳудуди 200 доллар талаб мешавад.

Дар гузашта соҳибкорони узбекистонӣ ҳам шикоят карда буданд, ки маъмурини гумруки Тоҷикистон маҳсулотро бо таъхир ҳуҷҷатгузорӣ карда, барои воридоти он монеагузорӣ мекунанд.

Вале ба ин шикоятҳо то ҳол мақомоти гумруки Тоҷикистон ҳеҷ вокунише нишон надоданд.

Ин шикояти ронандагонро Радиои Озодӣ рӯзи 31 март нашр кард:

Ҳувияти ин хонавода ошкор намешавад, танҳо таъкид шудааст, ки ин мард «соли 2012 бо қисми 2 моддаи 147 Кодекси ҷиноятии Ҷумҳурии Тоҷикистон суд шудааст». Назари ӯ ба ин парванда маълум нест.

Сомонаи вазорат менависад, ки ҳолати аввали таҳдид ба куштор моҳи ноябри порсол дар хона бо истифода аз корди ошхона рӯй додааст ва духтари 24-солаи онҳо аз фоҷеа пешгирӣ кардааст. Мавриди дигар 7-уми апрел рух додааст ва дар он ҳодиса мард ҳамсарашро бераҳмона латукӯб кардааст.

Рӯзи баъд, бино бар ин хабар, «тахминан соати 10:00 дар ҳолати мастӣ тариқи телефони мобилӣ ба духтараш ҷавонзани 24-сола занг зада гуфтааст, ки «модарро огоҳ кун ки як рӯз не як рӯз ман модаратро кушта, баъдан паси панҷара менишинам», ки ҳамсараш аз чунин суханҳо хабардор шуда, зери тарсу ҳарос қарор гирифтааст».

Бар асоси ин таҳдидҳо, мардро боздошт ва аз рӯи иттиҳоми «Моддаи 120. Таҳдиди куштан ё расонидани зарари вазнин ба саломатӣ» парванда боз карданд.

Ин ҳодисаи нодири таҳдид ба куштани як шавҳар ба ҳамсар нест, ки расонаӣ мешавад, вале феълан омори дақиқи чунин ҳолатҳо дар даст нест. Дар ҳодисаҳои зиёде занҳо таҳдид ба кушторро аз ҷониби шавҳарони худ ба сохторҳои ҳифзи қонун хабар намедиҳанд ва дар натиҷа, қурбонии фоҷеа мешаванд.

Ҳуқуқшиносон таъкид мекунанд, ки таҳдид ба куштор ҷиноят аст ва бояд сари вақт ба мақомот хабар дода шавад.

Мақомоти Кумитаи кор бо занон мегӯянд, дар Тоҷикистон мавридҳои зӯроварӣ ва ҷинояткорӣ алайҳи занон зиёд мешавад. Бино ба иттилои ин ниҳод, дар нимсолаи аввали соли 2025 нисбати занон ва духтарони ноболиғ беш аз 900 ҷиноят содир шудааст.

Дақиқ нест, ки чанд ҳолати он ба куштори занон вобаста аст, аммо мақомоти интизомӣ пайваста аз марги занон бо дасти шавҳаронашон дар пайи муноқишаҳои оилавӣ гузориш медиҳанд.

Дар ин бора рӯзи ҷумъа тақрибан дар як вақт президенти Украина Владимир Зеленский ва вазорати мудофеаи Русия хабар доданд.

Вазорат гуфт, дар миёнҷигии ин табодул Имороти Муттаҳидаи Араб ва ИМА иштирок карданд. Дар хабар гуфта шуд, ки мубодилаи асирон дар хоки Беларус гузашт ва низомиёни рус ҳоло дар хоки он кишвар мебошанд.

Зеленский гуфт, ки дар миёни асирони озодшуда низомиёни Горди миллӣ, марзбонҳо, ходимони полис мебошанд, дар миёни онҳо нафарони маъюб ҳастанд ва ҳам онҳое, ки зиддашон дар Русия парвандаи ҷиноӣ боз шудааст.

Бо вуҷуди ин ки музокироти расмӣ барои хатми ҷанг ҷараён надорад, ду кишвар табодули зиндониҳоро идома медиҳанд. Аз ин пеш рӯзи 11 апрел табодули охири асирон барпо шуда буд. Дар маҷмӯъ то ҳол беш 20 чунин маврид анҷом шудааст.

Муовини президент Ҷей Ди Венс, ки дар мулоқоти пешина бо мақомоти Теҳрон раҳбари ҳайати амрикоӣ буд, феълан нияти сафар надорад, чун раиси маҷлиси Эрон Муҳаммадбоқир Қолибоф дар ин муколама иштирок намекунад. Айни замон, дар сурати пешрафт дар музокираҳо Венс барои сафар ба Покистон омода мебошад.

Ароқчӣ ҳам дар доираи як сафари дипломатӣ дар баробари Покистон ният дорад ба Русия ва Уммон ҳам парвоз кунад. Ароқчӣ дар шабакаи Х навишт: “Мақсади сафарҳои ман ҳамоҳангии танготанги масоили ҳамкориҳои дуҷониба бо ҳампаймонҳои мо ва ҳам машварат дар робита бо ҳодисаҳо дар минтақа мебошад. Ҳамсояҳои мо дар авлавияти мо қарор доранд”.

Бино ба маълумоти пешакӣ, дар Исломобод дипломати аршади эронӣ мавқеи кишварашро дар заминаи идомаи музокирот бо ИМА матраҳ мекунад. Дар Покистон як ҳайати амрикоӣ қарор дорад, ки бо корҳои ёридиҳанда машғул аст ва салоҳияти пешбурди музокиротро надорад.

Хабаргузории эронии Тасним гуфт, ки дар доираи сафари Ароқчӣ ба Исломобод ҳеҷ музокироте бо намояндагони Амрико дар назар гирифта нашудааст.

Эрон мисли гузашта талаб дорад, ки муҳосираи бандарҳояш хотима ёбад ва ин пешшарти асосии идомаи музокирот мебошад. Дар матбуот гузоришҳое нашр шуд, ки шояд Қолибоф аз тими музокиракунанда хориҷ карда мешавад. Бино ба иттилои манобеи исроиливу мухолифони Эрон, эҳтимолан ихтилофе бо намояндагони Сипоҳи посдорони инқилоби исломӣ ва нокомӣ бар сари пешниҳоди бозкушоии қисме аз гузаргоҳи Ҳурмуз барои киштиҳо пеш омадааст.

Матбуоти расмии эронӣ хабарҳо дар бораи истеъфои Қолибофро рад карда гуфтанд, ки ӯ корашро дар Маҷлис идома медиҳад ва ҳайати тими музокиротӣ ҳанӯз пурра таъин нашудааст.

Дар ин бора нишондодҳои Маркази омӯзиши афкори умум дар Русия (ВЦИОМ) гувоҳӣ медиҳад, ки рӯзи 24 апрел нашр шуд. Бар асоси таҳқиқоти охир, мизони қаноатмандӣ аз Путин 1,1% кам шуда, 65,5%-ро ташкил додааст. Ин яке аз поинтарин нишондодҳо дар давоми чор соли баъди шурӯи ҷанги Русия дар хоки Украина мебошад. Дар муқоиса, моҳи феврали соли 2026 мизони пуштибонӣ аз Путин 74 дарсадро ташкил дода буд.

Ҳамингуна сатҳи эътимод ба ӯ ҳам поин меравад. Ин навбат 71% дар Русия гуфтаанд, ки ба Путин бовар мекунанд ва ин 1% камтар назар ба як ҳафта пеш будааст. Дар ин байн мизони маҳбубияти ҳизби ҳокими «Единая Россия» каме боло рафтааст.

Дар ҳамин ҳол хабаргузории «Агентство» мегӯяд, натиҷаҳои ВЦИОМ ду соат дертар аз замони маъмулии нашраш чоп шуд.

Як хадамоти назарсанҷии дигаре бо номи ФОМ сатҳи пуштибонӣ аз президентро 74% нишон додааст, ки он ба арқоми ҳафтаи гузаштааш монанд аст, вале боз ҳам яке аз поинтарин дар чор соли охир дониста мешавад.

Марказҳои назархоҳӣ сабаби поин омадани мизони маҳбубиятро шарҳ надодаанд. Бархе сабабҳои мухталифро баҳона меоранд ва маҳдудияти интернет яке аз манбаъҳои норизоияти асосӣ мебошад. Моҷарои атрофи изҳороти блогер Виктория Боня, ки гуфт, миёни ҳукумат ва ҷомеа «як шикофе» вуҷуд дорад, ҳамчунин баҳси зиёде эҷод кард.

Дар мисоли Қирғизистон маҳдудият соҳаи молиро фаро гирифт: Иттиҳоди Аврупо додугирифтҳо бо «Керемет банк» ва «Капитал банк»-ро манъ кард. Ин ду муассиса соли 2025 ҳам мавриди маҳдудиятҳои Бритониё қарор гирифтанд. Дар Брюссел ба ин боваранд, ки ин бонкҳо барои давр задани таҳримҳои зидди Русия, аз ҷумла барои ирсоли паёмҳои пулӣ тавассути низоми СПФС мусоидат мекарданд. Ин низом аз соли 2024 мавриди таҳрим аст.

Ин ба он маъност, ки ширкатҳои аврупоӣ ва бонкҳо ҳақ надоранд бо ин ташкилот амалиёте барпо кунанд, истисно танҳо марбут ба пардохтҳои гуманитарӣ мешавад.

Ба иловаи ин, ташкилоти қирғизистонии A7A5 ҳам, ки мудирияташ дар ихтиёри биржа ё бозори асъор буда, бо пули рақамии стейблкоин тиҷорат мекунад, мавриди таҳрим қарор дода шуд. Ин пули рақамӣ ба рубли русӣ пайванд дода шудааст. Он соли 2025 пайдо шуд ва барои содда кардани пардохтҳо бо кишварҳо истифода мешавад. Дар Иттиҳоди Аврупо мегӯянд, ин василаҳоро метавонанд барои давр задани таҳримҳо истифода кунанд.

Ҳанӯз мақомот дар Қирғизистон ба ин қарор вокуниш накардаанд.

Дар маҷмӯъ дар доираи бастаи нави таҳримҳои зидди Русия 120 шахси ҷудогона ва ҳам 16 ташкилот аз кишварҳои сеюм таҳрим шудаанд.

Аз Қазоқистон ширкати воқеъ дар Алмати бо номи United Trading Group таҳрим шудааст. Он соли 2022, баъди шурӯи ҷанги Русия дар хоки Украина таъсис ёфт. Бино ба маълумот аз манбаъҳои боз, ширкат як коргар дорад ва дар чор сол беш аз 111 миллион танга андоз супурдааст. Маоши коргар дар сатҳи 85 ҳазор танга мондааст. Муассиси ин корхона Алимҷон Беков ҳам таҳрим шудааст. Дар Иттиҳоди Аврупо мегӯянд, ширкат метавонист ба Русия барои ҳадафҳои саноатӣ дар интиқоли гидрогени хлорид тавассути қаламрави Қазоқистон мусоидат кунад. Ҳанӯз вокуниши ин соҳибкор ба қарори Аврупо маълум нест.

Бастаи 20-уми таҳримҳои Иттиҳоди Аврупо бахше аз сиёсати васеи фишор ба Русия барои ҷангаш дар хоки Украина мебошад.

Дар ҳамин қарораш Иттиҳоди Аврупо се бонки Тоҷикистонро, ки давоми ним соли охир барои кӯмаки ғайримустақимашон ба ҷанги Русия дар Украина таҳти таҳрим қарор дода буд, аз феҳрасти "сиёҳ" берун кардааст.