"Чизе дидем, дар солҳои ҷавонӣ дидем. Ҳоло дилам мева мехоҳад, лекин харида наметавонам. Нархи тарбузро бин. Як кило шафтолуро 7 сомонӣ мегӯянд. Аз шафтолу дида, як собун заруртар аст. Нархи гӯштро бин!" – шиква кард Ҳалима Дурманова, сокини 66-солаи шаҳри Бохтар.
Дар ҳоле ки мақомоти Тоҷикистон пайваста аз беҳтар шудани вазъи зиндагии мардум суҳбат мекунанд, баъзе аз сокинон гуфтанд, ки бо нафақа ва музди ками маош чархондани зиндагӣ мушкилтар мешавад.
Дар шаҳри Душанбе ва ноҳияҳои атрофаш чанд ошхонаву ҷойи хӯрдани яхмос, кошонаи ҳусну сартарошхона ва нуқтаи таъмири мошинҳо аст, ки паноҳҷӯёни афғонистонӣ ташкил кардаанд.
Бисёре аз гурезаҳои афғонистонӣ дар Тоҷикистон дар сар ҳавои кӯчидан ба Канадаро доранд. Шароити беҳтари зист, имкони фаровони рушд ва имтиёзҳои дигари иҷтимоӣ аз далелҳои онҳост. Вале на ҳама ба кишвари орзуҳои худ мерасанд…
Паноҷандагони афғонистонӣ мегӯянд, дар миёни онҳо пизишкону омӯзгорон ва мутахассисони фановариҳои наву ҳунарҳои дигар ҳастанд, вале наметавонанд дар Тоҷикистон аз рӯйи ихтисоси худ кор кунанд.
Мақомоти масъули Тоҷикистон ба 5,5 ҳазор фирорӣ аз Афғонистон мақоми паноҳандагӣ намедиҳанд. Ин теъдод аз афғонистониҳо давоми соли 2021 вориди Тоҷикистон шуда, танҳо “маълумотнома дар бораи будубоши муваққатӣ” доранд ва маҷбуранд, ҳар моҳ онро дароз кунанд.
Ба иттилои чанд манбаи боварбахш, "дар ояндаи наздик ширкати наве вориди бозор мешавад ва зимоми сафари ҳаҷҷи умраро аз Тоҷикистон дар даст мегирад. Дар баробари ин, нархи ҳаҷҷи умра низ то ба 29 ҳазор сомонӣ боло хоҳад рафт."
Як коршиноси Маркази тадқиқоти стратегӣ - ниҳоди зертобеи президент аз қонуни нави даъват ба артиш интиқод карда гуфтааст, ин қонун метавонад барои соҳаи маориф ва илм “оқибатҳои пешгӯинашаванда ва фалокатбор» ба бор орад.
Аз соли 2014 то нимаи аввали соли 2021 қариб 235 ҳазор шаҳрванди Тоҷикистон ному насаби худро иваз карда, шиносномаи нав гирифтаанд. Таҳқиқи Радиои Озодӣ нишон дод, ки бахши асосии номивазкардаҳоро муҳоҷирони корӣ ташкил медиҳанд. Махсусан онҳое, ки аз Русия ронда шудаанд.
Далер Шарифов, хабарнигори тоҷик, мегӯяд, барои гирифтани 800 сомонӣ кумакпулии иҷтимоӣ, ки ба маҳбусони собиқ пешбинӣ шудааст, 475 сомонӣ харҷ кард.
Як марди тоҷик додраси собиқеро, ки нисбат ба духтари ноболиғаш амалҳои бадахлоқона анҷом дода буд, баъд аз ҳудудан як соли талошу муборизаҳо барои дастёбӣ ба адолат, то зиндон бурд ва ҳоло ба зиндагии маъмулӣ баргаштааст.
Уктамҷон Турсунов, падари Парвина Турсунова, як духтаре, ки 13 сол пеш дар нимсолаи дуюми соли таҳсил донишҷӯ шуд, мегӯяд, инсонҳо барои ҳаққи худ бояд талош кунанд ва набояд ба беадолатӣ тан диҳанд.
Ҳошимҷон Сафаров, сокини ноҳияи Зафаробод, дар Донишкадаи олии сарҳадии Кумитаи давлатии амнияти миллии Тоҷикистон ҳамагӣ нӯҳ рӯз хонд. Ӯ бар асари ҷароҳатҳои бардоштааш моҳи августи соли 2018 дар бемористон ҷон дод.
Саида Рустамова, устоди собиқадори мусиқиро дар Тоҷикистон бо як фармони "нодир" аз ҷойи кори пешинааш ронданд. Ба ӯ гуфтанд, ки Паёми солонаи президентро ба порлумон гӯш накардааст ва ба ин далел ҳаққи дар Коллеҷи ҷумҳуриявии хореографии ба номи Малика Собирова кор карданро надорад.
Фарида Шарифоваи 30-сола ва модари се фарзанд ҳангоми таваллуди тифли чаҳорумаш дар зоишгоҳи ноҳияи Файзобод фавтид. Ӯро соати ҳафтуними субҳи 16-уми июли соли 2020 ба таваллудхона бурданд ва пас аз тақрибан якуним соат хабари маргашро шуниданд.
Мақомоти тандурустии Тоҷикистон аз баҳори имсол то ба ҳол борҳо гуфтаанд, ки ба қадри кофӣ ДНС доранд, аммо беморон ва наздиконашон ҳамвора аз камбуди дастгоҳҳо дар баъзе аз шифохонаҳо шикоят мекунанд. Ҳақ ба ҷониби кист?
Даҳҳо тан аз муҳоҷирони кории тоҷикро бинобар доштани билетҳои тақаллубӣ иҷоза надоданд, ки тариқи ҳавопаймои хатсайри Санкт-Петербург-Душанбе парвоз кунанд. Ин муҳоҷирон мегӯянд, ки аз ширкате бо номи "СомонТрейд" билет харидорӣ кардаанд.
