Дар як даргирии шаби 7 январ дар минтақаи Ҳамадонии марзи Тоҷикистону Афғонистон як марзбони тоҷик кушта ва якеи дигар захмӣ шудааст. ИТАР-ТАСС бо такя ба манобеъаш дар Раёсати марзбонӣ хабар дод, ки ҳудуди 20 қочоқбар баъди убур ба ин сӯи рӯди Омӯ ба камини марзбонони тоҷик дучор шуданд ва дар натиҷа даргирӣ рух дод. Бино ба ин гузориш, марзбонони тоҷик дар соли 2012 аз беш аз 20 мавриди талоши убури мусаллаҳонаи марз ҷилавгирӣ карда, беш аз 3 тонна маводи мухаддир ва даҳҳо мил силоҳ мусодира кардаанд.
