Пайвандҳои дастрасӣ

Хабари нав

Раиси ҷумҳури собиқро ба додгоҳ меоранд


Умар Башир

Қарор аст, Умар Башир, раиси ҷумҳури барканоршудаи Судон ҳафтаи оянда барои эълони иттиҳоми фасодкорӣ ва нигаҳдории ғайриқонунии асъори хориҷӣ ба додгоҳ ҳозир шавад. Дар ин бора додситонии Судон рӯзи 15-уми июн хабар дод. Ду моҳ пештар аз ин баъд аз тазоҳуроти азими мардумӣ, низомиёни Судон Умар Баширро аз мақомаш барканор карданд.

Ӯ, ки раҳбари худкомае буд, муддати тӯлонӣ дар Судон ҳукумат кардааст. Волид Аҳмад, додситони кулл дар бораи эълони иттиҳом суҳбат кард, вале нагуфт, ки Умар Башир кадом рӯз ба додгоҳ меоранд. Абдулфаттоҳ Бурҳон раиси Шӯрои низомии Судон моҳи апрел гуфт, аз қароргоҳи Умар Башир дар умум бо арзиши 113 миллион доллар се навъи асъори хориҷиро кашфу мусодира кардаанд.

Вақти эълони вазъи фавқуллода дар Судон дар моҳи феврал барои хотима додан ба тазоҳуроти мардумӣ худи Умар Башир бо судури як қарор гуфт, ки бо худ нигаҳ доштани бештар аз 5 ҳазор доллар ғайриқонунӣ ва ҷиноят аст.

Гузоришҳои видеоӣ

Тоҷикистон дар ним сол ба Афғонистон 1 млрд квт/соат барқ фурухтааст
лутфан мунтазир бошед

Феълан кор намекунад

0:00 0:01:50 0:00
XS
SM
MD
LG