Пайвандҳои дастрасӣ

Хабари нав

Худкушии омӯзгори ҷавон дар Хатлон. Қадамшоҳ аз чӣ шикоят дошт?


Як омӯзгори синфҳои ибтидоӣ дар ноҳияи Шамсиддин Шоҳини вилояти Хатлон худкушӣ кардааст. Пайвандони Қадамшоҳ Давлатови 36-сола гуфтанд, ки ҷасади ӯро субҳи 23-юми август дар хона овезон пайдо намуданд.

Мақомот сабаби худкушии омӯзгори ҷавонро таҳқиқ доранд. Як манбаъ дар ниҳодҳои интизомии минтақаи Кӯлоб ба Радиои Озодӣ гуфт, кормандони ҳифзи ҳуқуқ ба ҷойи ҳодиса рафтаанд. "Тафтишот ба зудӣ маълум мекунад, ки сабаби чунин рафтори муаллим чӣ будааст", -- афзуд ӯ.

Пайвандонаш мегӯянд, ин ҳодиса онҳоро дар ҳолати ошуфтагӣ қарор дод. Ба қавли онҳо, Қадамшоҳ ба соли нави хониш омода мешуд ва аз мушкили ҷиддие шикоят надошт. Вай соҳиби хона ва зану фарзанд будааст.

Солҳои охир аз қасди худкушӣ ва худкушии сокинон хабарҳои зиёд мерасад.

Додситони кулли Тоҷикистон дар нишасти хабарии моҳи июл гуфт, ки дар шаш моҳи аввали имсол дар минтақаҳои гуногуни кишвар 258 нафар даст ба худкушӣ задаанд, ки беш аз панҷоҳ нафари онҳо ноболиғ будаанд. Сабабҳои асосии худкушӣ моҷарои оилавӣ ва мушкили иқтисодӣ гуфта мешавад.

Гузоришҳои видеоӣ

Гуфтанд ба мо. "Чӣ гуна мешавад "облава"-ро аз байн бурд?"
лутфан мунтазир бошед

Феълан кор намекунад

0:00 0:04:49 0:00
XS
SM
MD
LG