Дастаҳои "Хуҷанд"-и шаҳри Хуҷанд ва "Равшан"-и Кӯлоб дар марҳилаи гурӯҳии Ҷоми AFC (Конфедератсияи футболи Осиё)-2021, ки рӯзи 14-уми май дар Душанбе ва Бишкек оғоз ёфт, нахустин бозиҳои худро баргузор карданд.
Рақибони дастаи "Хуҷанд" бошгоҳҳои "Насаф"-и Қаршӣ, ҷоизадори биринҷии қаҳрамонии Узбекистон, "Олтин Асир"-и Ишқобод, қаҳрамони Туркманистон ва "Олой"-и Ӯш, барандаи Ҷоми Қирғизистон мебошанд. Онҳо дар марҳилаи гурӯҳии Ҷоми AFC-2021 дар Минтақаи марказӣ дар гурӯҳи "F" рақобат мекунанд. Ҳамаи бозиҳои ин гуруҳ дар Варзишгоҳи марказии Душанбе доир мегарданд.
Дар аввалин даври мусобиқа дар гурӯҳи “F” 14-уми май нахуст "Насаф"-и Узбекистон бо "Олой"-и Қирғизистон рақобат кард. Бозӣ бо ғалабаи футболбозони узбек бо ҳисоби бузурги 4:0 анҷом пазируфт. Ҳар чор гол дар нимаи дуюми бозӣ зада шуд. Голҳои Сӯҳроб Нуруллоев, Шоҳмалик Комилов, Ҳусейн Норчаев ва Ҳусниддин Алиқулов ба "Насаф" се имтиёз овард.
Сипас, дастаҳои "Олтин Асир"-и Туркманистон ва "Хуҷанд"-и Тоҷикистон вориди сабқат шуданд. Ҳисобро дар ин дидор Олтимурод Аннадурдиев, бозигари меҳмонон, дар дақиқаи 15-ум кушод. Баъд аз даҳ дақиқа Артём Сердюк, легионери “Хуҷанд”, ҳисобро баробар кард.
Дилшод Бозоров дар дақиқаи 41-ум голи дуюми “Хуҷанд”-ро ба ҳадаф расонд. Дар дақиқаи охирини нимаи аввали бозӣ Олтимурод Аннадурдиев боз муваффақ гашт ва ҳисоб баробар шуд - 2:2.
Дар нимаи дуюми дидор ҳисоб тағйир наёфт. Бояд гуфт, ки дар дақиқаи 18-уми рақобат бозигари “Олтин Асир” Гувонҷ Раҷабов корти сурх гирифт ва аз майдон берун шуд.
Дар даври дуюми сабқати гуруҳи “F” рӯзи 17-уми май нахуст "Олой"-и Қирғизистон бо "Олтин Асир"-и Туркманистон, баъдан "Хуҷанд"-и Тоҷикистон бо "Насаф"-и Узбекистон бозӣ мекунанд.
Ҳамзамон дастаи "Равшан"-и Кӯлоб, барандаи феълии Ҷоми Тоҷикистон, дар мусобиқаи Ҷоми AFC-2021 дар гурӯҳи "E" дар Бишкек ширкат дорад. Рақибони “Равшан” қаҳрамони Қирғизистон - "Дордой" ва ноиби қаҳрамони Туркманистон - "Аҳал" мебошанд.
Дар Бишкек бозиҳо дар варзишгоҳи ба номи Долен Омурзоқов баргузор шуда, соати 19:00 бо вақти Душанбе шуруъ мешаванд.
Дар аввалин даври мусобиқа дар гурӯҳи “Е” 14-уми май “Равшан" бо "Аҳал" рақобат кард. Бозӣ бо пирӯзии футболбозони туркман бо ҳисоби 3:1 ба поён расид. Нимаи аввали дидор бо ҳисоби 2:0 ба нафъи “Аҳал” хотима ёфт. Ҳарду голро Элман Тағоев ба самар расонид. Дар нимаи дуюми бозӣ, дар дақиқаи 52-юм, Далер Шомуродов, бозигари “Равшан”, тӯбро аз пеналти ё ҷаримаи 11-метрӣ ба ҳадаф расонда, ҳисобро тағйир дод – 2:1. Голи сеюми “Аҳал”-ро Қурбон Аннаев дар дақиқаи 63-юм зад.
Дар даври дуюми сабқати гуруҳи “Е” рӯзи душанбеи 17-уми май бозӣ миёни дастаҳои "Дордой"-и Қирғизистон – "Аҳал"-и Туркманистон баргузор мешавад. Дар даври сеюм рӯзи панҷшанбеи 20-уми май бозии охирини ин гуруҳ байни дастаҳои "Равшан"-и Тоҷикистон ва "Дордой"-и Қирғизистон доир мегардад.
Ғолибони гуруҳҳои Минтақаи марказии Ҷоми AFC-2021 дар финали минтақавӣ, ки аз ду бозӣ иборат аст ва рӯзҳои 11-ум ва 25-уми август баргузор мешаванд, иштирок мекунанд.
Ҷоми AFC-2021
Минтақаи марказӣ
Гурӯҳи "F"
Макон – Душанбе, Тоҷикистон
"Насаф" (Узбекистон)
"Олтин Асир" (Туркманистон)
"Хуҷанд" (Тоҷикистон)
"Олой" (Қирғизистон)
Даври 1-ум
14 май (ҷумъа)
"Насаф" (Узбекистон) – "Олой" (Қирғизистон) – 4:0
Голҳо: Суҳроб Нуруллоев, 52 (1:0), Шоҳмалик Комилов, 59 (2:0), Ҳусейн Норчаев, 64 (3:0), Ҳусниддин Алиқулов, 75 (4:0).
"Олтин Асир" (Туркманистон) – "Хуҷанд" (Тоҷикистон) – 1:2
Голҳо: Олтимурод Аннадурдиев, 15 (1:0), Артём Сердюк, 25 (1:1), Дилшод Бозоров, 41 (1:2), Олтимурод Аннадурдиев, 45, (2:2).
Мавқеи дастаҳо дар ҷадвали мусобиқа:
Ҷ
|
ДАСТАҲО
|
Б
|
Ғ
|
М
|
Б
|
Т
|
И
|
1
|
«Насаф» (Узбекистон)
|
1
|
1
|
0
|
0
|
4-0
|
3
|
2
|
“Олтин Асир” (Туркманистон)
|
1
|
0
|
1
|
0
|
2-2
|
1
|
3
|
«Хуҷанд» (Тоҷикистон)
|
1
|
0
|
1
|
0
|
2-2
|
1
|
4
|
“Олой” (Қирғизистон)
|
1
|
0
|
0
|
1
|
0-4
|
0
|
Даври 2-юм
17 май (душанбе)
17:00 – "Олой" (Қирғизистон) – "Олтин Асир" (Туркманистон)
21:05 – "Хуҷанд" (Тоҷикистон) – "Насаф" (Узбекистон)
Даври 3-юм
20 май (панҷшанбе)
17:00 – "Насаф" (Узбекистон) – "Олтин Асир" (Туркманистон)
21:05 – "Хуҷанд" (Тоҷикистон) – "Олой" (Қирғизистон)
Гурӯҳи «Е»
Макон – Бишкек, Қирғизистон
"Равшан" (Тоҷикистон)
"Дордой" (Қирғизистон)
"Аҳал" (Туркманистон)
Даври 1-ум
14-уми май (ҷумъа)
"Аҳал" (Туркманистон) – "Равшан" (Тоҷикистон) – 3:1
Голҳо: Элман Тағоев, 14 (1:0), Элман Тағоев, 18 (2:0), Далер Шомуродов 52 – аз пеналти (2:1), Қурбон Аннаев, 63 (3:1).
Мавқеи дастаҳо дар ҷадвали мусобиқа:
Ҷ
|
ДАСТАҲО
|
Б
|
Ғ
|
М
|
Б
|
Т
|
И
|
1
|
"Аҳал" (Туркманистон)
|
1
|
1
|
0
|
0
|
3-1
|
3
|
2
|
"Дордой" (Қирғизистон)
|
0
|
0
|
0
|
0
|
0-0
|
0
|
3
|
"Равшан" (Тоҷикистон)
|
1
|
0
|
0
|
1
|
1-3
|
0
|
Даври 2-юм
17-уми май (душанбе)
19:00 -- "Дордой" (Қирғизистон) – "Аҳал" (Туркманистон)
Даври 3-юм
20-уми май (панҷшанбе)
19:00 -- "Равшан" (Тоҷикистон) – "Дордой" (Қирғизистон)