Пайвандҳои дастрасӣ

Хабари нав

Теъдоди рекордии сокинони Русия ба Осиёи Марказӣ омадаанд


Дар соли 2022 теъдоди рекордии русиягиҳо ба Тоҷикистон, Узбекистон, Қирғизистон, Муғулистон ва Арманистон ворид шудаанд. Дар ин бора омори хадамоти марзбонии Русия шоҳидӣ медиҳанд.

Авҷи воридшавии русиягиҳо ба семоҳаи севуми соли гузашта рост омадааст. Ин ба эъломи сафарбарсоии низомӣ дар моҳи сентябр дар Русия рабт дорад, ки он замон бисёре аз русиягиҳо аз сафарбарсозӣ фирор ва аз кишварашон хориҷ шуданд.

Сомонаи хабарии "Медуза" оморҳои Хадамоти марзбонии Русияро омӯхта, ба натиҷа расидааст, ки дар соли гузашта воридшавии русиягиҳо ба Муғулистон 989%, ба Гурҷистон 475%, ба Қазоқистон 234%, ба Тоҷикистон 212%, ба Узбекистон 99% афзудааст. Ба ҷуз ин, сафари русиягиҳо ба Исроил дар соли 2022 ду баробар афзуда, ба бештар аз 100 ҳазор расидааст.

Ин оморҳо танҳо убури марзро фаро гирифтаанд, ки мумкин аст, ҳамаи онҳо аз сафарбарсозии низомӣ фирор накарда бошанд. Эҳтимол миёнашон касоне ҳам ҳастанд, ки барои истироҳат, ҳадафҳои шахсӣ ба хориҷ рафта ва дубора ба Русия баргашта бошанд.

Гуфтугӯ

XS
SM
MD
LG