Як ҷавони 25-сола аз вилояти Суғд як бухории каммасрафи барқиеро сохтааст, ки дар муқоиса бо дастгоҳҳои тавлиди хориҷӣ беш аз ду маротиба камтар нерӯи барқ масраф карда, ҳамзамон рӯшанӣ ҳам медиҳад. Ин ҷавон инчунин як дастгоҳи каммасрафи хушккунандаи пойафзолро низ омода кардааст, ки дар фосилаи кӯтоҳ пойафзоли тари инсонро метавонад хушк кунад.
Донишмандон мегӯянд, ихтироъкорӣ аз ҳунар, заковат ва дилбастагии инсон ба кору машғулияташ далолат мекунад ва ҳар навсозиву ихтироъ боиси рушди илм мешавад.
Анӯшервон Каримов, ки дар шаҳри Бӯстон, собиқ Чкаловски вилояти Суғд ба унвони таъмиргари таҷҳизоти барқӣ кор мекунад, мегӯяд, ки ҳар моҳ барои гарм кардани ҳавлиаш маблағи зиёдеро сарф мекард. Ин амр водор кард, ки вай дар фикри каммасраф кардани харҷи нерӯи барқи гармкунакҳо шавад. Анӯшервон Каримов 17-уми январ дар сӯҳбат бо Радиои Озодӣ гуфт, ки ҳоло бозорҳои Тоҷикистон пур аз гармкунакҳои сохти Чин ва Эрон мебошанд, ки масрафи нерӯи барқашон зиёд аст.
Вай гуфт: “Ман дар ҳавлӣ зиндагӣ мекунам ва ба ин далел гарм доштани манзил барои оилаи ман гарон аст. Гармкунаки барқие, ки ман ихтироъ кардам, тақрибан 2,5 маротиба камтар нерӯи барқ сарф мекунад. Мисол, гармкунакҳои чинӣ агар дар як шабонарӯз 48 киловатт/соат нерӯи барқ масраф кунанд, гармкунаки сохтаи ман танҳо 19 киловатт/соат барқ сарф мекунад. Аз ин гармкунакҳо дар ҳавлии худ 5 адад гузоштаам. Ҳоло қимати як киловат соат нерӯи барқ тақрибан 18 дирам аст ва метавонед фоидаи ихтирои маро худ ҳисоб кунед”.
Дар идомаи сӯҳбат Анӯшервон Каримов гуфт, ки барои озмоиш аз ин гармкунакҳо 10 дона сохта, ба дӯстонаш ҳадя кардааст. “Ҳамаи онҳо аз каммасраф будани ин гармкунакҳо қаноатманд ҳастанд. Гузашта аз ин, гармкунакҳои сохти чинӣ дар бозорҳо бидуни кафолат фурӯхта мешаванд. Аммо ман ҳамеша омода ҳастам ҳар гуна ноҷурӣ дар кори онҳоро ройгон таъмир кунам”, - гуфт ҳамсӯҳбати мо.
Дар остонаи зимистони имсол мақомоти тоҷик гуфтанд, ки дигар дар таъмини аҳолӣ бо нирӯи барқ танаффус ё маҳдудият намешавад, вале бо сабаби адами дастрасии ҳамаи манзилҳо дар кишвар ба системаи марказонидаи гармидиҳӣ, бисёр манзилҳо тавассути бухориҳо хонаҳои худро гарм мекунанд. Барқи бетанаффус кори бухории дастсохти ӯро ҳам таъмин мекунад.
Анӯшервон мегӯяд, барои эҷоди чунин як дастгоҳи каммасрафи гармкунии манзил аз таҷрибаи пешрафтаи кишварҳои ғарбӣ истифода ва ҳамзамон худ низ “навовариҳоеро эҷод кардааст”. Вай бо истифода аз тафсдиҳандаҳои сохти эронӣ ва тунукаҳои фулузӣ тавонистааст харҷи нерӯи барқро коҳиш бидиҳад, насби вижаи тафсдиҳандаҳо имкон додааст, ки нерӯи барқ сарфа шавад.
Усмон Назиров, яке аз дӯстони Анӯшервон Каримов дар сӯҳбат бо Радиои Озодӣ гуфт, ки баъд аз истифодаи гармкунаки ихтироъкардаи дӯсташ, харҷи хонаводааш коҳиш ёфта, ҳамакнун метавонад ба таври шабонарӯзӣ манзилашро гарм нигаҳ дорад.
Таҷҳизоти хушккунандаи пойафзол
Анӯшервон Каримов бар ин назар аст, ки агар корхонаи саноатие мехоҳад аз ин ихтирои вай истифода кунад, мухолифат намекунад, зеро ҷонибдори истифода аз ҳар моли ватанӣ мебошад. Анӯшервон Каримов мегӯяд, бо назардошти воқеиятҳои Тоҷикистон, фикри эҷоди як дастгоҳи дигаре ҳам ба сараш омад ва он ҳам, умедвор аст, на танҳо барои худи ӯ манфиатовар хоҳад буд.
Вай гуфт: “Дар Тоҷикистон боришоти зиёди борону барф мушоҳида мешавад ва мардум водор мешаванд дар хона тақрибан ҳамарӯза пойафзоли худро хушк кунанд. Ҳоло ман таҷҳизоти каммасрафи хушккунандаи барқиеро омода месозам, ки кас метавонад онро дохили пойафзол монад ва то чанд соати дигар дубора бо он пойафзол дунболи корҳояш дар кӯча шавад”.
Анӯшервон гуфт, ки ҳанӯз дастгоҳҳои сохтаи худро аз сабти расмӣ нагузаронидааст ва барои бухории сохтааш ҳам патент ё ҳаққи муаллифӣ нагирифтааст. Мақомоти масъул мегӯянд, ин ҷараён қоидаву расмиёти худро дорад.
Баҳодур Назаров, сардори раёсати ташхиси давлатии ихтироъот ва намунаҳои саноатии Маркази иттилоотиву панентии вазорати рушди иқтисод ва савдои Тоҷикистон дар сӯҳбат бо Радиои Озодӣ гуфт: “Нахуст озмоишҳо бояд собит созанд, ки мол ё хадамоти ихтироъшуда беназир аст. Ба ин далел барои дарёфти патенти ихтироъ бояд чанд марҳилаи озмоиширо гузашт. Сипас, ихтироъҳо ба шаклҳое тақсимбандӣ мешаванд, ки ҳар яке санадҳои махсуси худро доранд”.
Баҳодур Назаров гуфт, ки дар 25 соли истиқлолият дар Тоҷикистон барои 1075 ихтироъ патент дода шудааст, ки бештари онҳо марбути соҳаи тиб, дорусозӣ, кимиё, оҳангудозӣ, байторӣ ва кишоварзиву боғдорӣ мебошанд.
Вале Анушервон мегӯяд, ҳанӯз дар фикри ба даст овардани даромади пулӣ аз дастгоҳи сохтааш нашудааст. Ӯ кору ҳунари худро озмоиш мекунад. Самимона мегӯяд, ки бисёр шахси ватандӯст аст ва бисёр мехоҳад, ки мардуми тоҷик на аз моли хориҷӣ, балки ватанӣ ва миллӣ истифода кунанд. Вай гуфт, агар маҳсули ҳунар ва эҷоди ӯ ба кадом корхонае писанд омад, омода аст барои осон шудани мушкилоти мардум хизмат кунад.
Ихтироъкорӣ дар Тоҷикистон
Зимнан, ихтироъкорӣ дар миёни сокинони Тоҷикистон чанон падидаи нодир нест. Биҳамида Маҳкамова, устоди Донишгоҳи тиббии Тоҷикистон, 2 сол қабл барои ихтирои "Фитосуман" - маводи зиддибактериявӣ - дар як озмуни байналмилалӣ дар Кореяи Ҷанубӣ ҷоизаи “беҳтарин зани ихтироъкор”-ро соҳиб шуд.
Вале онҳое, ки имкони муаррифии ҳунару истеъдоди худро дар озмунҳои байналмилалӣ надоранд, бо роҳи оддии пахши видеоҳои телефонӣ маҳсули ҳунари худро ба дигарон намоиш медиҳанд. Пахши навори видеоии гурӯҳи муҳоҷирони тоҷик, ки дар Русия аз як пора қубури васеъ дастгоҳи пора кардани сабзии оши палавро сохтаанд, мавриди истиқболи гарми тамошобинон қарор гирифт.
Бархе шӯхиомез мегӯянд, ки ҳар ихтироъ ҳосили танбаливу бехушии инсон аст, ки барои ҳалли мушкиле хизмат мекунад. Вале донишмандон мегӯянд, ихтироъкорӣ аз ҳунар, заковат ва дилбастагии инсон ба кору машғулияташ далолат мекунад ва ҳар навсозиву ихтироъ боиси рушди илм мешавад.
Нархи як кандил 12хазору 667 сомони мебошад савол кандил аз чи сохта шудааст?????????????????
Прокуратурара шарманда кардан. Ина окибати дуруст интихоб ва чобачогузори накардани кадрхо мутхарам прокурори генерали!!! Кучора нигах мекунен бовари дорам хами каллобо ягонташ бесохиб нестай. Дар макомотхои кудрати ва хифзи хукук бояд реформаи чидди гузаронида шавад
Вау, 1 кандил баробари 12666 сомони. Мо мехнат мекунем, обод мекунем, андоз месупорем, ин дуздхо моли такрибан 500-1000 сомонаро бо арзиши 12666 мехаранд.
Салом Радиои Озоди чаро дар бораи як гурух авбошон, каллобон, бозингарони кадхои куча бо номҳои бозии (шукрона) (ва дар ҳар сурат номашонро қариб хоҳанд ҳар рӯз иваз мекунанд,) ки дар аксари шахрхои бузурги Точикистон вучуд доранд ва аввалхусус дар марказхои шахр фаьоланд, ва хамеша бо рохи фиреб аз мардумон пул меситонанд ва шояд чанд нафаре аз кормандони угаловний розиск пушту панохашон хастанду ва мардумро аксаран бо рохи зури фаред, мекунанд ва бо рохи Тарс Аслан аз мардум пул меситонанд... Чизе наменависед ва касе инро ахамият намедихад, ва ҳатто радиои озоди як кор ва тафтиши рӯзноманигориро намекунад дар ҳолате, ки ман худам шоҳид дорам, ки ҳатто кормандони Радиои Озоди аз он бохабаранд ва ҳатто онҳоро баъзе ҳолатҳо дар марказҳои шаҳр фаред мезананд (бе дидани камераашон) ва ҳатто, ки аксаран кариб ҳар як шаҳрванди дуюми Тоҷикистон аз онҳо шата хӯрдааст ва қариб, ки бо роҳи тарсу зӯри аз ҳама пул меситонанд ва давлате дар дохили давлат рост кардаанду мардумро бонки милли пиндошта пул меситонанд чизе ва касе гӯё хабардор нест ва хатто кормандони қудрати, ки инҳо аз он кормандони порахур зараровартаранд, ва шояд рузе расаду мардумро ин қаллобон ба ҷон меоранду ягон гапе мешавад ва ҳатто он пушташон чанд корманди угаловний розиск дигар на онҳоро соҳиби мекунаду ва на чанд участковийҳои маҳалҳои ки аз онҳо пул меситонанд ва ҳамин ҳолат метавонад пушташонро нишон диҳад, ки дар ҳақиқат ҳукумату давлат аз инҳо хабардор нест ва пушташонҳам нест, ки он гунае, ки худ мепиндоранд ва дар ҳолати шикояти сайдашон мегӯянд, ки зӯри генералҳо ба мо намерасад чи расад ба халқи бечора ва дар ҳақиқат дар ҳолати шикоят кардани шаҳрвандон ба пулис, пулис шикояткунандаро ҳатто танбеҳ мекунад, ки, шуморо маҷбур кард бози кунед, дар ҳолате, ки ин қаллобон маҷбур месозанд роҳгузаронро ва дар ҳолати фаред, мекунанд наомади даштномат медиҳанд ва маҷбур мешави пешашон ои ва баъд дар сайдашон мегалти бо ҳар роҳ... Намедонам ин бозингарон чи фоидае меоранд ба ҷуз бадномкунии давлат, ки ҳеҷ кас ҳатто бо ин ҳама пулгуриашон бо роҳи зӯри зарарашонро аз фоидаашон фикр намекунанд ва чигунае, ки дигар давлатҳо мутамадин ва пешрафтаву қафомонда бе ин гуна афродон зиндаги доранд ва пойдории давлат бе инҳо ҳам мемонад бо ҳамин халқаш на бо он бозингарони қаллоб ки пойдевори ҳукумату давлатро шикаста истодаанд ва бовар кунед инҳо латмае бо ин амалашон ба ҳукумату давлат хоҳанд зад ва сутунҳои давлатро хоҳанд, шикаст ки во вайло... Бовар кунед аксари мардуми зарардида аз ин қиболи афрод ҳатто видиоҳо ва ё сабти диктафонии онро доранд вае рузаш шавад ҳама ба як по шикоят хоҳад кард... Илтимос радиои озоди инро чоп кунед то ақаллан мардум хонанду фаҳманд ки инҳо киҳоҳанд ва сайдҳои ояндаи ин қиболи мардум донанд, ки онҳо танҳои сайди инҳо шудаги нестанд балки тамоми миллат ҳаст сайди ин қиболи афрод... Ва онҳое ки боре шате нахурдаанд донад ва фаҳманд, ки инҳо танҳо нестанд ва онҳо одамхӯр нестанд ва набояд аз ин авбошон, қаллобон, дасисакорон, туҳматгарон, фиребгарон, бандитон, ҷинояткорон бояд тарсид ва сайдашон шуд бо он чор тангае, ки бо арақи ҷабин кор мекунед бояд ба онҳо супурд ва ё онҳо бояд бо ҳар васила гиранд... Ки медонад шояд Радиои озоди шумо бовар накунед аммо гурӯҳи дигаре ҳаст ки аллакай бо ҳар васила медонанд ки ту бозори мекунем ва ба бозор ба пул меои ва инҳо мисли шаголон аллакай дандон тез кардаанд... Ва беҳуда нест, ки инҳо ин бозингарони бо ном шукрона ва насли пештара шарикбозони даврони баъдиҷангӣ ва бесару сомони натанҳо дар марказҳои шаҳр балки дар роҳҳои асосии бозорҳо аллакай истодаанд ва натанҳо мардуми одди балки аксаран кормандони қудратии нотавон ва ҳукуматдорони камзуриет шаттаи онҳоро хӯрдаанд ва лаб зери дандон кардаанду намедонанд чи кор кунанд ва куҷо шикоят баранд дар ҳолате, ки корманди давлатманд, ва ҷое сухан кунанд, шарманда мешаванду давлат беэътибор... Илтимос Родиои Озоди инро чоп кунед мардум аз инҳо ба ҷон омадаанд...
Хеч гап не! Раиси вилояти хатлон якмоха даромадашро дихад тамом вассалом