Пайвандҳои дастрасӣ

Хабари нав

Арманистон Озарбойҷонро дар ҳамлаҳои нав гунаҳгор кард, Боку иттиҳомро рад мекунад


Дар ҷанги миёни Озарбойҷону Арманистон барои Қаробоғи Кӯҳӣ оғози солҳои 1990-ум 30 ҳазор нафар кушта шуд
Дар ҷанги миёни Озарбойҷону Арманистон барои Қаробоғи Кӯҳӣ оғози солҳои 1990-ум 30 ҳазор нафар кушта шуд

Низомиёни Арманистон нирӯҳои Озарбойҷонро дар он муттаҳам карданд, ки яке аз мавқеъҳои ин кишварро дар марзи вилояти Товуш, ки ҳафтаи гузашта макони муноқишаи сарҳадӣ шудааст, мавриди ҳадаф қарор доданд. Шушан Степанян, сухангӯи вазорати дифои Арманистон шоми 21 июл гуфт, ки дар натиҷаи посухи нирӯҳои арманӣ як воҳиди низомии Озарбойҷон хисороти ҷиддӣ дид. Степанян гуфт, ки нирӯҳои арманӣ осебе надиданд, дар ҳоле, ки, ба иддаои ӯ, дар натиҷаи талоши ҳамла, бархе сарбозон “ба дом афтоданд”.

Ин иддаоҳоро вазири дифои Озарбойҷон рад кард. Вагиф Даргоҳлӣ, сухангӯи вазорат гуфт, ки “ҳамлаҳои нав ва ҳеҷ талафоти нав ҷой надошт”. Ӯ гуфт, ки изҳороти ҷониби Арманистон “як хабари дурӯғин аст”. Дар ҳодисаҳои ахири марзӣ, ки 12 июл шурӯъ шуда то 16 июл идома кард, 12 сарбози озарбойҷонӣ ва чор низомии арманӣ ҷн доданд.

Арманистону Озарбойҷон дар охири солҳои 1980 ва оғози 1990-ум, ки ба замони эълони истиқлолияти кишварҳо рост омад, бо ҳам ҷанг кардаанд. Дар ин ҷанг 30 ҳазор нафар кушта шуд.

XS
SM
MD
LG