Бюрои пажуҳишии Украина нисбати президенти пешини он кишвар Петр Порошенко парвандаи ҷиноӣ боз кард. Порошенкоро дар эъломияи нодуруст додан дар бораи дороиҳояш гумонбар мекунанд. Дар ин бора расонаҳои украинӣ хабар медиҳанд.
Бюрои пажуҳишӣ хабар дод, ки парванда дар асоси шикояти яке аз вакилони порлумон боз шудааст. Мақомот аз вакил ном намебаранд. Нисбати Порошенко бо моддаи "сохтакории аснод" парванда боз шудааст. Ин модда ҷаримаи бузург ва ё маҳдуд кардан аз озодӣ то се солро пешбинӣ мекунад.
Дар эъломияи соли 2018 Порошенко даромади шахсӣ ва хонаводагиашро аз 12,4 то 16,9 млн гривен (мутаносибан 47,6 ҳазор доллар то 75,2 ҳазор доллар) арзёбӣ карда буд. Порошенко ҳамчунин дар эъломияаш навишта буд, ки аз ҳисоби пасандозҳояш дар "Бонки байналхалқии сармоягузорӣ" 15,7 млн гривен даромад гирифтааст.
Ҳуқуқшиносон пештар хабар доданд, ки дар бораи се ширкати офшории марбут ба Порошенко иттилоъ пайдо шудааст.
