Пайвандҳои дастрасӣ

Хабари нав

Дар Украина интиқоли мардум аз Вуҳан боиси эътирози хушунатомез шуд


Интиқоли мусофирон аз шаҳри Вуҳани Чин – макони пайдошавии вируси марговар - ба шаҳри Новие Санжарии Украина боиси бурузи хушунатҳо аз ҳисоби мардуми маҳаллии эътирозгар шуд. Сокинони минтақаи шарқии Полтава ба нишони эътироз аз ин ки мардуми эҳтимолан олуда ба бемориро ба қаламрави онҳо интиқол додаанд, ба сӯи мардуми овардашуда санг партофтанд ва бо полис вориди даргирӣ шуданд. Мақомоти украинӣ гуфтанд, ки дар дохили ҳавопаймои аз Вуҳан омада 45 шаҳрванди Украина ва 27 хориҷӣ, аз ҷумла, кормандони тиб ва ҳайати халабонҳо буданд. Феълан шаҳрвандии хориҷиҳои овардашуда маълум нест. Президенти Украина Владимир Зеленский дар саҳифаи худ дар Фейсбук рӯзи 20 феврал навишт, ки ҳавопаймо дар фурудгоҳи “Бориспол”-и Киев нишаст анҷом дод ва баъди ин ба Харков парвоз мекунад. Мардуми овардашударо ба ҳолати карантин медароранд. Вай гуфт, ки ҳамаи овардашудаҳо дар як маркази тиббии шаҳри Новий Санжари ба мӯҳлати 14 рӯз дар карантин хоҳанд буд. Автобусҳо дар иҳотаи полис то ба санатория бурда шуданд ва дар роҳ эътирозгарон ба сӯи онҳо сангандозӣ карданд. Феълан маълум нест, ки оё касе дар ин ҳодиса осеб дидааст ё на. Вале полис изҳорот дод, ки нӯҳ афсар ва як мулкӣ ба бемористон интиқол ёфта, 24 эътирозгар боздошт шуд.

XS
SM
MD
LG