Пайвандҳои дастрасӣ

Хабари нав

Хуруҷи неруҳои СПАД аз Қазоқистон ба анҷом расид


Хуруҷи неруҳои Созмони паймони амнияти дастаҷамъӣ (СПАД) аз Қазоқистон рӯзи 19 январ комилан ба поён расид. Дар ин бора Олжас Ҳусайнов, як масъули вазорати мудофиаи Қазоқистон рӯзи сешанбеи 19 январ хабар дод.

"Дар ҳоли ҳозир дар ҳудуди Қазоқистон неруи хориҷӣ ҳузур надорад", - гуфт вай. Ба иттилои ин Олжас Ҳусайнов, 6 январ Русия "бештар аз 2 ҳазор низомӣ" ва 250 техникаи низомӣ ба Қазоқистон овард.

Неруҳои СПАД, ки бештари онҳоро низомиёни рус ташкил медоданд, баъди даъвати президенти Қазоқистон Қосимҷомарт Тоқаев ба ин кишвар ирсол шуданд. Тоқаев ҳаводиси ибтидои моҳи январро талоши табаддулоти давлатӣ унвон кард, ки гӯё пушти он "террористони хориҷӣ" меистанд. Ҳеч далели мавҷудияти "ҳазорон ҷангҷӯи хориҷӣ" дар Қазоқистон пешниҳод нашуда ва ҳадафи онҳо низ то кунун номаълум аст.

Хуруҷи неруҳои СПАД аз Қазоқистон 13 январ шуруъ шуда буд. Дар ин созмон Русия, Белорус, Арманистон, Қазоқистон, Қирғизистон ва Тоҷикистон аъзо ҳастанд.

XS
SM
MD
LG