Додгоҳи ноҳияи Якуми майи шаҳри Бишкек як қирғизистониро барои иштирок дар ҷанги зидди Украина 10 сол зиндонӣ кард.

Ба иттилои муфаттишон, вай аз ҷониби ҷудоиталабони Донбасс ҷангидааст.

Дар ҳукми додгоҳ омада, ки шаҳрванди 30-солаи Қирғизистон моҳи июни соли гузашта дар Маскав ба яке аз гуруҳҳои мусаллаҳи ҷумҳурии худхондаи Луганск шомил шуд.

"Ҳадафаш аз ин иқдом даромади молӣ ва дарёфти шаҳрвандии Русия буд. Вай силоҳҳоро ба хатти аввали ҷанг бурда, баъд аз ним сол хидмати ҳарбиро хатм кард ва ба Маскав ва аз онҷо ба шаҳри Бишкек баргашт," -- гуфта шудааст дар ҳукм.

Ин шаҳрванди Қирғизистон дар додгоҳ худро бегуноҳ шумурда, гуфтааст, дар Луганск буд, аммо дар ҷанг иштирок накард.

Қонунгузории Қирғизистон ва кишварҳои дигари Осиёи Марказӣ шаҳрвандонро аз ширкат дар ҷанги кишварҳои дигар манъ мекунанд.

Сафорати ин кишварҳо борҳо ба шаҳрвандони худ дар Русия ҳушдор додаанд, ки дар ҷангҳои Русия зидди Украина ширкат наварзанд.

Як рӯз пеш шабакаҳои иҷтимойи аз навори боздошти вай пур буд. Вай бо нашри видеое аз идораи пулис гуфта буд "Зиндони хитойро хам шояд бубинам". Аммо ахиран дар як видеои дигар, ки аллакай дар озодӣ аст, вай гуфтааст, сабаби боздошташ сабти навор бо айнаки махсус буд. Ба гуфтаи рэпсаро пас аз 3 - 4 соати бозпурси уро озод карданд.

Вай аз муносибати пулиси Чин бо боздоштшудаҳо тавсиф кардааст. Муродов чанд рузи ахир аз Чин наворҳои зиёде нашр мекард. Аз ҷумла иштироки вай дар Чин дар маросими туйи духтари тоҷик бо ҷавони чиннӣ дар шабакаҳои иҷтимоӣ баҳсбарангез шуда буд. Дар наворе вай гуфт, ин туйи хоҳараш буд, ки бо ҷавони мусалмоншудаи чиноӣ издивоҷ кардааст.

Рамазон Муродов, ки дар миёни як гурӯҳ ҷавонон шинохта аст, моҳи июли соли 2024 дар Тоҷикистон барои таҳқири роҳбарони сохторҳои қудратӣ дар шабакаҳои иҷтимоӣ, боздошт шуда буд. Ӯ чанд дафъа аз боздошт ва шиканҷа шуданаш аз сӯйи кормандони пулис шикоят карда буд.

Ба гуфтаи онҳо вазъи даҳ нафар вазнин буда, шумори дақиқи кушташудаҳо ва осебдидагон ҳанӯз дақиқ нест.

Дар изҳороте, ки дар саҳифаи беморхона дар Фейсбук нашр шудааст, гуфта мешавад, ки дар миёни осебдидагон занону кӯдакон низ ҳастанд, ки дар пайи таркиш ҷароҳатҳои вазнин бардоштаанд. "захмҳои таркиш, сӯхтагӣ ва осеби сангин гирифтаанд. Ҳадди аққал дар як соли ахир дар Афғонистон мо чунин шумори зиёди беморонро мушоҳида накарда будем."

Бино ба гузоришҳо, Покистон дубора ба Кобул, пойтахти Афғонистон, ҳамлаҳои ҳавоӣ анҷом додааст. Шабакаи Tolo News бо истинод ба манобеи худ ва нашри як навор аз ҷойи ҳодиса хабар дод, ки дар натиҷаи ҳамлаҳои Покистон ба чанд қисмати Кобул теъдоде аз ғайринизомиён кушта ва захмӣ шудаанд, вале шумори дақиқи он ҳанӯз маълум нест. Дар навор ҷасадҳо, афроди ҷароҳатбардошта ва як бинои чандошёнаи қисман тахрибшуда дида мешавад.

Теъдоде аз корбарони шабакаҳои иҷтимоӣ гуфтаанд, ки бино дар як минтақаи серодами Кобул ҳадаф қарор гирифтааст. Сокинон мегӯянд, онҳо садои таркишро шунида, парвози ҳавопаймоҳои ҷангандаро мушоҳида карданд. Ин вазъ сокинони шаҳрро нигарон кардааст. "Нерӯи барқ хомӯш шуд ва ҳоло ҳам ҳаст. Ҳама воқеан ошуфта буданд. Кӯдакон, занону пирон ҳама хеле тарсиданд.” – гуфт як сокини Кобул.

Носир Аҳмад Фоиқ, иҷрокунандаи вазифаи намояндаи доимии Афғонистон дар Созмони Милали Муттаҳид аз он нигаронӣ кардааст, ки Покистон дар Кобул ва Қандаҳор манотиқи истиқоматиро ҳадаф қарор дода, сабаби марги одамон шудааст.

Вай рӯзи чаҳоршанбеи 15-уми октябр дар саҳифаи X, бо маҳкум кардани ҳамлаҳои пайдарпай навишт, ки ин амалҳо нақзи ошкори қонунҳои байналмилалӣ аст.

Хабаргузории TOLO news бо истинод ба мақомоти маҳаллии Толибон дар вулусволии Спин Болдак дар вилояти Қандаҳор хабар дод, ки тақрибан соати 16:00 рӯзи чаҳоршанбеи 15 -уми октябр Покистон ба идораи пулиси ҳамла карда, ба вокуниши нерӯҳои амниятии Толибон рӯбарӯ шуд.

Забеҳулло Муҷоҳид, сухангӯйи Толибон рӯзи чаҳоршанбе дар баёнияе дар саҳифаи X навишт, ки дар ҳамлаҳои нерӯҳои покистонӣ ба ноҳияи Спин Болдак беш аз 12 ғайринизомӣ кушта ва беш аз 100 тани дигар захмӣ шудаанд.

ИНЧУНИН, БИХОНЕД:

Даргирии Толибон ва Покистон. Тарафҳо аз даҳҳо кушта хабар доданд

Ба гуфтаи вай, дар вокуниши нерӯҳои афғон теъдоди зиёде аз сарбозони покистониро кушта, теъдоде аз посгоҳҳо ва иншооти онҳо тахриб ва силоҳу тонкҳояшон ба дасти нерӯҳои афғон афтодааст.

Таниш миёни Покистон ва Афғонистан пас аз он боло гирифт, ки нерӯҳои Покистонӣ рузи 9- уми октября бо ҳадафи нобуд кардани аъзои баландпояи толибони Покистон ба Кобул ҳамлаи ҳавои анҷом доданд.

Ҳукумати Покистон гуфт, мақомоти Толибон ба аъзои Таҳрики Толибони Покистон (TTP) паноҳ додаанд. Толибон ин иттиҳомро рад карда гуфтаанд аз TTP дар дохили Афғонистон ҳимоят намекунанд.

Дар пайи ҳамлаҳои навбатӣ ва даргирӣ дар марз даҳҳо ҷангҷӯйи Толибон кушта шудаанд. Мақомоти Толибон дар ин ҳамлаҳо ҷониби Покистонро айбдор мекунанд.

Ҳамлаҳои ахир дар ҳоле сурат гирифтааст, ки чанде пеш аз ин ду ҷониб аз эълони оташбас хабар дода буданд. Вазорати хориҷаи Покистон гуфта буд, оташбас ду рӯз идома хоҳад кард. Забеҳулло Муҷоҳид, сухангӯйи Толибон гуфт, нерӯҳои Покистонӣ дар вилояти Қандаҳор дубора ба хоки Афғонистон ҳамла карданд, ки дар натиҷа даҳҳо афғон кушта ва захмӣ шуданд. Вай рӯзи чаҳоршанбе дар баёнияе дар саҳифаи X навишт, ки дар ҳамлаҳои нерӯҳои покистонӣ ба ноҳияи Спин Болдак беш аз 12 ғайринизомӣ кушта ва беш аз 100 тани дигар захмӣ шудаанд.

Ба гуфтаи Муҷоҳид, дар вокуниши нерӯҳои афғон теъдоди зиёде аз сарбозони покистонӣ кушта шуда, теъдоде аз посгоҳҳо ва иншооти онҳо тахриб ва силоҳу тонкҳояшон ба дасти нерӯҳои афғон афтодааст.

Таниш миёни Покистон ва Афғонистон пас аз он боло гирифт, ки нерӯҳои Покистонӣ рузи 9- уми октября бо ҳадафи нобуд кардани аъзои баландпояи толибони Покистон ба Кобул ҳамлаи ҳавои анҷом доданд.

Ҳукумати Покистон гуфт, мақомоти Толибон ба аъзои Таҳрики Толибони Покистон (TTP) паноҳ додаанд. Толибон ин иттиҳомро рад карда гуфтаанд аз TTP дар дохили Афғонистон ҳимоят намекунанд.

Дар хабарномаи ин бонк аз рӯзи 15-уми октябр гуфта мешавад, ки “ин маблағ барои тавсеа ва навсозии шабакаи мобилӣ дар саросари Тоҷикистон пешбинӣ шудааст.”

То кунун ин Бонк ба тарҳҳои давлатӣ пул медод ва бори аввал аст, ки ба ширкати хусусии мобилӣ қарз медиҳад.

Ко Сакамото, намояндаи доимии БРО дар Тоҷикистон, созишнома бо як ширкати хусусиро як қадами муҳим дар бахши ҳамкориҳо бо ин кишвар номидааст. Ӯ таъкид кардааст, ки ҳамкории БРО бо "Tcell" на танҳо сатҳу сифати интернету гуфтугӯҳои телефониро роҳаттар мекунад, балки дар “фароҳам овардани ҷойҳои корӣ, дастрасии бештари мардум ба маориф, тандурустӣ ва хизматрасониҳои онлайнӣ" мусоидат мекунад.

Чанд соли ахир сокинон шикоят мекунанд, ки суръати интернет дар Тоҷикистон поин рафта, нархаш боло рафтааст.

Бонки Рушди Осиё як ниҳоди молиявӣ аст, ки соли 1966 бо ҳадафи мусоидат ба рушди иқтисодӣ ва ҳамкорӣ таъсис ёфтааст. Ин бонк ба кишварҳои узв барои кам кардани фақр ва беҳтар кардани сифати зиндагӣ кӯмак мерасонад.

Махсуд Саидаминов ва Фаpрух Шарофов – ду донишманди тоҷики соҳаи кимиё ба феҳристи “Беҳтарин 2 % олимони ҷаҳон” шомил шуданд, ки онро Донишгоҳи Стенфорд соле як бор таҳия мекунад.

Ин феҳристро профессори донишгоҳи маъруфи воқеъ дар Калифорния Ҷон Иоаннидис аз соли 2016 омода мекунад ва як меъёри муҳими шомил шудани ин ё он донишманд ба ин феҳрист истифода аз корҳои илмиву иқтибос аз он донишмандон гуфта мешавад.

Академияи миллии илмҳои Тоҷикистон маълумотнома дар бораи ин ду донишмандро нашр кардааст.

Бино ба ин манбаъ, Фаpрух Шарофов 49 сол дошта, дар мавзуи «Омӯзиши химиявии метаболитҳои дуюмаи растаниҳои равғаниатридор тавассути усули хроматографияи газӣ - масс спектрометрӣ» — Химияи органикӣ рисоли докторӣ ҳимоя кардааст.

Ӯ дар вазифаи ходими калони илмии Муассисаи илмию тадқиқотии"Маркази инноватсионии Хитою Тоҷикистон оид ба маҳсулотҳои табий"-и Академияи миллим илмҳои Тоҷикистон кор мекунад.

Махсуд Саидаминов 37 сол дошта, устоди кафедраи кимиёи Донишгоҳи Викторияи Канада мебошад. Ӯ муаллифи 170 мақолаи илмӣ буда, мақолаҳояш беш аз 24 ҳазор маротиба иқтибос шудаанд.

Хатмкардаи литсейи рақами яки шаҳри Исфара ва Донишгоҳи давлатии Маскав ба номи Ломоносов буда, яке аз муваффақиятҳояш афзоиши амалкарди панелҳои офтобӣ мебошад.

"Алоқаи ман ба энержии сабз таҳти таъсири падарам Исматбой Саидаминов, ки профессор буд ва солҳои ахир ба омӯзиши мушкилоти баҳри Арал машғул буд, шакл гирифт", - гуфта буд ӯ дар сӯҳбат бо Радиои Озодӣ дар соли 2018.

Ба феҳристи беҳтарин донишмандони ҷаҳон, ки моҳи сентябр нашр шуд, исми сад ҳазор олимон аз саросари ҷаҳон шомил шудаанд.

Пулиси вилояти Суғд як ҷавонро бо иттиҳоми ба қатл расондани падараш боздошт кардааст.

Акбар Шарифӣ, сухангӯи Раёсати корҳои дохилии Суғд 14-уми октябр дар барномаи телевизионӣ гуфт, ин падару писар дар ҷамоати Дадобой Холматови ноҳияи Бобоҷон Ғафуров зиндагӣ мекарданд.

Пулис мегӯяд, падару писар дар ҳолати мастӣ бо ҳам ҷанҷол карданд ва писари 34-сола падари 67-солаашро кушта ба ҳавз мепартояд. Худи ҷавон дар наворе, ки маълум нест таҳти чӣ шароит сабт шудааст мегӯяд, барои пинҳон кардани ҷиноят ҷасади падарашро ба ҳавз партофт.

Мақомот гуфтанд, писари марди кушташуда боздошт ва алайҳаш бо иттиҳоми куштор парванда боз шудааст. Ба ин мард то 15 сол зиндон таҳдид мекунад.

Дар Тоҷикистон ин бори аввал нест, ки писарон бо иттиҳоми куштани падарашон боздошт мешаванд.

Як гуруҳ низомиёни тоҷик барои ширкат дар машқҳои минтақавии "Бирлик-2025" ба Узбекистон рафтаанд.

Вазорати дифои Тоҷикистон мегӯяд, ин машқҳо 14-уми октябр дар шаҳри Самарқанд оғоз шуда, то 21-уми октябр идома мекунанд.

Мақомот гуфтанд, ҷониби Узбекистон барои низомиёни Тоҷикистон “шароити хуби хизматӣ” ташкил карданд.

Дар тамринҳои "Бирлик 2025" низомиёни Озарбойҷон, Қазоқистон, Қирғизистон ва Узбекистон ҳам ширкат доранд.

Бунёди атфоли СММ (ЮНИСЕФ) мегӯяд, дар Аврупо ва Осиёи Марказӣ тахминан сеяки кӯдакон дар оила бо хушунати ҷисмонӣ ва наздики ҳафтод дарсадашон бо хушунати равонӣ рӯбарӯ мешаванд. Дар ин бора дар гузориши нави ЮНИСЕФ зикр шудааст, ки бо номи “Ҷои таҳсилу зиндагии мо: хушунат нисбати кӯдакон дар Аврупо ва Осиёи Марказӣ” нашр шуд.

Рӯзи 14 октябр дафтари матбуоти СММ навишт, ҷазои ҷисмонӣ аз торсакӣ сар карда то латукӯб нисбати 30 дарсади кӯдакони сокини ин минтақа раво дониста мешавад. То 69% ноболиғон бо хушунати равонии мисли таҳдид, таҳқир ва паст задани шаъну шараф рӯбарӯ мешаванд.

Бино ба гузориши ЮНИСЕФ, дар Тоҷикистон 34% кӯдакони то 14-солаи ширкатдори пурсише гуфтаанд, ки дар як моҳи гузашта аз ҷониби волидон ё парасторонашон мавриди ҷазои ҷисмонӣ қарор гирифтаанд.

Муаллифони гузориш, аз ҷумла, менависанд: “Бисёр волидон дар 14 кишвари мавриди таҳқиқ гуфтаанд, ки барои тарбияи фарзанд истифода аз ҷазои ҷисмониву хушунати равонӣ зарур нест, вале бисёри онҳо даст ба ин кор мезананд. Масалан дар Тоҷикистон, бино ба Таҳқиқи демографиву сиҳҳатии соли 2023 танҳо 4% калонсолон гуфтаанд, ки барои тарбияву калон кардани фарзандон ҷазои ҷисмонӣ зарур аст, дар ҳоле, ки 34% кӯдакон дар ҳамин пурсиш гуфтаанд, ки дар давоми як моҳи гузашта аз ҷониби волидон ё парасторонашон ҷазои ҷисмонӣ дидаанд”, омадааст дар гузориш.

Реҷина Де Доминичис, раиси дафтари ЮНИСЕФ барои кишварҳои Аврупо ва Осиёи Марказӣ гуфт, “хушунат ба зиндагии кӯдакони хеле зиёд таъсиргузор мешавад, бахусус аз ҷониби онҳое, ки бояд кӯдаконро ҳимоят кунанд”.

Ӯ афзуд, манъи ҷазои ҷисмонии кӯдакон қадами муҳим мебошад, “вале давлат бояд ба таълими волидон ва рушди низоми ҳимояти кӯдакон сармоягузорӣ кунад”. Гузориш мегӯяд, 90% волидон гуфтаанд, ки хушунат ғайри қобили қабул аст, вале боз ҳам бисёриҳо ба ин роҳ мераванд. ЮНИСЕФ мегӯяд, кӯдаконе, ки ҷазои ҷисмонӣ ё равонӣ дидаанд, бештар аз дигарон бо мушкилоти равонӣ ваё дарсхонӣ рӯбарӯ мешаванд ва вақте бузург шуданд, худи онҳо даст ба хушунат мезананд.

Раиси Думаи давлатӣ Вячеслав Володин гуфт, ки дар давраи ҳашт моҳи соли 2025 барои вайрон кардани қонунҳои муҳоҷират 35 ҳазор шаҳрванди хориҷӣ аз хоки Русия ихроҷ карда шуд. Ба гуфтаи ӯ, дар феҳристи афроди таҳти назорати ВКД то 1 сентябри имсол исми 770 ҳазор муҳоҷире қарор дошт, ки қонуни муҳоҷиратро вайрон кардаанд ва сеяки онҳоро занону кӯдакон ташкил медиҳанд. “Ин афрод бояд аз кишвар ихроҷ шаванд”, навишт Володин дар саҳифааш дар шабакаи МАХ.

Маълум нест ин нафарон шаҳрванди кадом кишварҳо ҳастанд, вале, ба гуфтаи Володин, ба рӯйхати “сиёҳи” полиси Русия аз санаи 5 феврали соли ҷорӣ исми чунин нафаронро ворид кардаанд: онҳое, ки барои сабтином маълумотномаву санадҳои заруриро надоштанд, дар ҷои иқомат ба қайд гирифта нашудаанд, мӯҳлати санҷишҳои ҳарсолаи зарурии мисли озмоиши тиббиро вайрон кардаанд ва патенту иҷозатнома ва қарордоди кориашон кӯҳна шудааст.

Володин гуфт, нафароне, ки дар ин феҳрист ҳастанд, ҳақ надоранд дар Русия шаҳодатномаи ронандагӣ гирифта ваё мошинронӣ кунанд, бо харид ё фурӯши мошин ё хона машғул шаванд, оила барпо кунанд, ҳисоби бонкӣ боз намуда ваё пул интиқол диҳанду пулҳои худро дар бонк истифода кунанд.

Embed ба дигарон фиристед

Володин мегӯяд, ихроҷи муҳоҷирон аз Русия идома мекунад

Embed ба дигарон фиристед

Нусхабардорӣ шуд

---

бар px баландӣ px

---

URL нусхабардорӣ шуд

Феълан кор намекунад

0:00 0:01:56 0:00

Володин навиштааст, онҳое, ки мақоми худро қонунӣ накардаанд, бояд пеш аз он ки Русияро тарк кунанд, ба мақомот хабар диҳанд, ки дар кадом рӯз, бо кадом роҳ ва ба кадом кишвар сафар мекунанд. Ӯ гуфтааст, агар чунин нашуд, “муҳоҷирро зӯран, баъди ситонидани ҷарима ва бо муҳри ихроҷ дар мӯҳлати 5 соли баъдӣ” аз хоки кишвар берун мекунанд.

Раиси парлумони Русия гуфтааст, ки чораҳои ҷоришуда барои ба танзим даровардани соҳаи муҳоҷират дар ин кишвар мусоидат мекунад.

Русия дар давоми ду соли охир даҳҳо қонуни маҳдудкунандаи ҳузури муҳоҷирони кориро қабул кард ва дар амри иҷрои ин муқаррарот бо ҳар роҳ, бисёр вақт аз роҳи зӯр ва фишору таҳқир даҳҳо ҳазор хориҷиҳоро аз хоки ин кишвар ихроҷ намуд. Дар миёни онҳо ҳазорҳо шаҳрвандони Тоҷикистон ҳам мебошанд, ки дар Русия кору даромади худро таъмин мекарданд.

Ваколатдор оид ба ҳуқуқи инсон ё Омбудсмен дар гузориши солонааш чанд мушкили асосии паноҳҷӯёнро дар Тоҷикистон зикр карда, хоҳони ҳалли онҳо шудааст.

Ба гузориши Ваколатдор, "ба даст овардани мақоми гуреза, гузаштан аз бақайдгирии муваққатӣ, ҳамгироии маҳаллӣ, шуғл, таҳсил ва гирифтани маълумотнома аз ҷойи зист" аз мушкилиҳои аслии паноҳҷӯён дар Тоҷикистон аст.

"Механизми амалисозии ҳамгироии гурезаҳо, гирифтани ёрдампулӣ ва дигар навъи кумак, иҷрои принсипи берун накардан, пешниҳоди муроҷиат оид ба гирифтани паноҳгоҳ дар сарҳад... таҳия ва роҳандозӣ нашудааст", - омадааст дар гузориши Ваколатдор.

Мақомот ба гузориши Ваколатдор оид ба ҳуқуқи инсон вокуниш накардаанд. Дар як соли ахир, бахусус моҳи июли имсол чандин мавриди ихроҷи омавии паноҳҷӯёни афғонистонӣ аз Тоҷикистон расонаӣ шуд. Хадамоти марзбонии Тоҷикистон 19-уми июл бо пахши изҳороте ихроҷи муҳоҷирони афғонро аз Тоҷикистон тасдиқ кард ва сабабҳои онро шарҳ дод. Идораи марзбонӣ бидуни овардани омори дақиқ танҳо гуфт, бархе аз ин паноҳҷӯён "ғайриқонунӣ" вориди Тоҷикистон шудааанд ва шуморе аз онҳо "низоми муқарраргаштаи будубошро дағалона вайрон мекунанд".

Изҳорот дар ҳоле пахш шуд, ки муҳоҷирони афғонистонӣ гуфтанд, аз роҳҳои қонунӣ вориди Тоҷикистон шуда, бархеашон корти гурезагӣ ҳам доштанд.

Омбудсмен ба ихроҷи густурдаи муҳоҷирони афғонистонӣ аз Тоҷикистон ишорае накарда танҳо гуфтааст, соли 2024 "мақоми гурезагии 4 нафар бинобар сабаби пешниҳод намудани маълумотҳои беасос ва бардурӯғ рад карда шудааст". Аммо дар ин бора шарҳи бештар дода нашудааст.

Тибқи омори ахири мақомоти Тоҷикистон "соли 2024 ба 2 280 нафар шаҳодатномаи гуреза ва ба 2 591 нафар шаҳодатномаи муваққатӣ дода шудааст".

Ваколатдор оид ба ҳуқуқи инсон ба мақомоти Тоҷикистон пешниҳод кардааст, ки қонунгузорӣ оид ба гурезаҳо такмил карда, барномаи давлатии ҳамгироии паноҳандаҳо қабул карда шавад.

Дар гузашта Комиссариати олии Созмони Милали Муттаҳид дар умури паноҳандагон борҳо аз мақомоти Тоҷикистон хоста буд, ки паноҳҷӯёни афғонистониро ихроҷ накунанд, зеро эҳтимол дорад дар кишварашон бо озору азият рӯбарӯ шаванд.

Бино ба иттилои расмӣ, дар Тоҷикистон 9 ҳазор шаҳрванди Афғонистон зиндагӣ мекунанд. Аксари онҳо мегӯянд, ки аз тарси "Толибон" ба Тоҷикистон фирор кардаанд.

Дар давоми шаш моҳи аввали соли ҷорӣ додгоҳҳои ҳарбию баҳрии Русия аз рӯи моддаи “терроризм” нисбати 659 нафар дастикам 597 ҳукм (моддаҳои 205 то 205.5 КҶ Русия) содир кардаанд. Дар ин бора як таҳқиқи созмони ҳомии ҳуқуқи "Первый отдел" хабар додааст.

Ба ҳисоби миёна, дар Русия дар ҳар рӯзи кории ҳафта панҷ қарор бароварда шудааст. Вусъати саркӯбҳо дар Русия бесобиқа боло рафта, инчунин парвандаҳо зидди ноболиғон ҳам хеле зиёд шудааст.

Бисёр вақт маҳкумшудаҳо аз рӯи парвандаҳои терроризмро ба мӯҳлатҳои беш аз 20-солӣ равонаи зиндон мекунанд. Баъди соли 2023 дар баробари иттиҳоми «терроризм» инчунин «хиёнат ба давлат» ҳам илова шудааст ва агар соли аввал чунин иттиҳомҳо зидди 12 кас содир шуда буд, дар ним соли аввали соли ҷорӣ зидди 83 нафар будааст.

Муҳаққиқон мегӯянд, аксари ин парвандаҳо ба ҷанги дар Украина рабт доранд. Инҳо – оташ задани комиссариатҳои ҳарбӣ, дастгоҳҳои электронии танзими ҳаракати қаторҳо, мошинҳои ҳарбӣ, интиқоли пул барои воҳидҳои ҳарбии украинӣ, инчунин моддаҳои “сафед кардани терроризм” мебошанд.

Ба ҳисоби созмони "Первый отдел", аз замони оғози ҷанг дар Украина дар феврали соли 2022 дар Русия зидди 2901 нафар 2590 ҳукм аз рӯи моддаи «терроризм» содир шудааст.

Раиси ҷумҳури Амрико ва дигар миёнҷиҳои гуфтугӯҳои сулҳ дар Ғазза, 13-уми октябр дар Миср санади оташбас миёни Исроил ва гуруҳи “Ҳамос” -ро имзо карданд.

Доналд Трамп ва роҳбарони Миср, Қатар ва Туркия дар шаҳри Шарм-уш-Шайх баёнияи муштаракеро имзо карданд, ки ҳадафи он татбиқи оташбас ва поён додан ба ҷанг дар Навори Ғазза аст.

Дар ин маросим ҳамчунин роҳбарони Урдун, Олмон, Фаронса, Бритониё, Озарбойҷон, Арманистон, Маҷористон ва Дабири кулли СММ ҳузур доштанд. Намояндагони Исроил ва “Ҳамос” дар ин нишаст набуданд.

Доналд Трамп дар оғози ҳамоиш гуфт, “имрӯз рӯзи бузурге барои ҷаҳон аст, рӯзи фавқулода барои Ховари Миёна.” Трамп бидуни шарҳи ҷузъиёти созишнома танҳо гуфт, ки ин санад бисёр фарогир аст.

Нишасти Миср дар рӯзе баргузор шуд, ки гуруҳи “Ҳамос” гаравгонҳои боқимондаи исроилиро озод кард ва дар иваз Исроил низ садҳо зиндонии фаластиниро раҳо намуд. “Ҳамос” аз сӯи Амрико ва Иттиҳоди Аврупо ба унвони гуруҳи террористӣ шинохта шудааст.

Бар асоси бахши аввали созиши сулҳ, Исроил артишашро аз Ғазза берунтар кард ва наздики ду ҳазор зиндонии фаластиниро, ки 250 нафарашон ҳукми абад гирифта буданд, озод кардааст.

Дар марҳилаи дуюм бояд идораи Ғазза ба дасти намояндаҳои чанд кишвар гузашта, «Ҳамос» бесилоҳ шавад. Пештар «Ҳамос» шарти халъи силоҳ шуданро рад карда буд.

Вазорати мудофиаи Тоҷикистон аз иҷрои 78 дарсади нақшаи даъвати тирамоҳии ҷавонон ба артиш хабар додааст.

Ба иттилои вазорат, давоми даҳ рӯзи аввали даъват қариб 30 шаҳру ноҳияро нақшаро пурра иҷро кардаанд.

Тибқи иттилои расмӣ, аз миёни минтақаҳои Тоҷикистон ВМКБ 100, Хатлон 91, ноҳияҳои тобеи марказ 72, Суғд 64 ва Душанбе 71 дарсади нақшаи даъватро иҷро карданд.

Дар ҳоле, ки Вазорати дифоъ аз зиёд шудани сафи ҷавононе, ки ихтиёран ба артиш мераванд тавсиф кардааст, аммо сокинони баъзе минтақаҳои кишвар аз фишори мақомот шикоят доранд. Аз ҷумла моҳи сентябри имсол сокинони баъзе ҷамоатҳои шаҳри Исфара шикоят карданд, ки мақомот барқи чанд деҳаро пурра қатъ карда талаб намуданд, ки фарзандони худро ба артиш фиристанд. Мақомот ин шикоятро рад карданд.

Дар иттилои расмии Вазорати дифоъ дар бораи ҷалби маҷбурии ҷавонон ба хидмат чизе гуфта намешавад, вале давоми як моҳи охир чандин ҳодисаи бо зӯр ва маҷбурӣ ба хидмат бурдани ҷавонон дар шабакаҳо роҳ ёфт. Намунаи ахираш садамае бо иштироки корманди комиссариати ноҳияи Восеъ мебошад, ки 22 сентябри имсол сар зад.

Фоҷеа ҳангоме рух дод, ки корманди Комиссариати ҳарбӣ як ҷавони синни даъватро бо зур ба мошин савор карда, бо суръат ронд ва ба мошини самти муқобил бархурд. Дар ин садама се нафарро ҳалок ва чор кас маҷруҳ шуданд.

Додгоҳе дар вилояти Самарқанди Узбекистон марди 27-солаеро барои иштирокаш дар сафи нирӯҳои мусаллаҳи Русия дар ҷанги зидди Украина ба се соли зиндон маҳкум намуд. Дар ин бора сомонаи Uznews.uz хабар медиҳад. Додгоҳи ноҳияи Пахтачини вилояти Самарқанд гуфт, сокини маҳаллӣ А.Х. соли 2019 барои муҳоҷирати корӣ ба Русия рафт ва ду сол баъдаш ӯро бо гуноҳи қочоқи маводи мухаддир ба як зиндони низомаш сангини вилояти Челябинск барои адои ҷазо фиристоданд.

Соли 2024 ӯ пешниҳоди намояндагони сохторҳои ҳифзи қонуни Русияро дар бораи иштирок дар ҷанги зидди Украина пазируфт. Ба ин мард ваъда додаанд, ки баъди ширкаташ дар ҷанг ӯро аз адои ҷазо озод намуда, барояш шаҳрвандии Русия ва ҳам ҷоизаи пулӣ тақдим мекунанд. Ӯ ин пешниҳодро қабул кардааст.

Додгоҳ гуфтааст, А.Х. дар ҳудуди Луҳанск омодагии ҳарбӣ гузашта баъдан дар қаламрави минтақаҳои Луҳанск, Запорожйе, Херсон ва Курск дар амалиёти ҷангӣ иштирок кардааст. Баъди маҷрӯҳ шудан ӯро ба як беморхонаи ҳарбии шаҳри Маскав интиқол доданд.

Моҳи марти соли 2025 ин мард баъди анҷоми табобат барои гирифтани санадҳои нав ба хотири бозгашт ба ватан ба сафорати Узбекистон муроҷиат кардааст. 28 март ба Узбекистон расида ихтиёран худро ба дасти сохторҳои ҳифзи қонуни кишвараш супурдааст. Додгоҳ ҳангоми содир кардани ҳукм аз рӯи моддаи “Зархаридӣ” ҳамаи ҳолатҳои сабуккунандаро ба инобат гирифтааст, аз ҷумла ин ки ин мард ихтиёрӣ омада дар бораи иштирокаш дар ҷанг хабар дода ва ҳам изҳори пушаймонӣ кардааст.

Додгоҳ надоштани доғи судӣ ва вазъи молии сангини ӯро ҳам ба инобат гирифта, ӯро ба се соли маҳрумият аз озодӣ дар зиндони низомаш умумӣ маҳкум намуд. Ҳодисаҳои ба зиндон маҳкум кардани дигар шаҳрвандони Узбекистон, ки дар ҷанги зидди Украина иштирок кардаанд, дар гузашта ҳам расонаӣ шудааст. Аз ҷумла, барои ширкат дар ин ҷанг як сокини 55-солаи Намангон ба ду сол ва сокини 32-солаи вилояти Бухоро ба панҷ соли ҳабс маҳкум шудаанд.

Чин ваъда додааст, ки ба тасмими Иёлоти Муттаҳида дар бораи ҷорӣ кардани таърифа ё боҷи гумрукӣ посухи ҳамсон медиҳад.

Як намояндаи Вазорати тиҷорати Чин 12-уми октябр гуфт, аз замони музокироти ахири Пекин ва Вашингтон дар моҳи сентябри имсол Амрико "пайваста алайҳи Чин маҳдудиятҳои нав ҷорӣ мекунад".

Мақомдори Чин афзуд, “таҳдид ба ҷорӣ кардани таърифаҳои баланд шеваи нодурусти ҳамкорӣ Пекин аст”.

“Мавқеи мо дар масъалаи ҷанги таърифаҳо бетағйир мемонад, мо таърифаҳоро намехоҳем, вале аз он ҳам наметарсем,”- гуфтааст намояндаи Вазорати тиҷорати Чин.

Пештар президенти Амрико Доналд Трамп эълон кард, ки аз 1-уми ноябр ба молу маҳсулоте, ки аз Чин ворид мешаванд, 100 дарсад боҷ мебандад. Трамп дар саҳифаи иҷтимоии худ Truth Social навишт, "Иёлоти Муттаҳида ба молҳои Чин боҷҳои 100 дарсадӣ ҷорӣ хоҳад кард, бар иловаи ҳар гуна таърифаҳое, ки ҳоло пардохт мекунад".

Тасмими Кохи Сафед пас аз он эълон шуд, ки Чин барои содироти металҳои нодир назорати сахт ҷорӣ кард.