Намояндаи президент ва девони вазирон дар порлумони Қирғизистон Алмосбек Абитов ҳангоми баррасии санад гуфт, девон аз ин иқдом пуштибонӣ мекунад.
“Агар шумо лоиҳаи қонунро қабул кунед, онро амалӣ хоҳем кард. Дар сурати ворид шудани ин тағйирот аз буҷаи давлат хароҷоти зиёд талаб намешавад”, - афзуд ӯ.
Вакили порлумони Қирғизистон ва яке аз муаллифони лоиҳа Улан Примов шарҳ дод, ки иваз кардани парчам харҷҳои изофиро дар пай надорад.
Вакили дигари порлумони Қирғизистон Достонбек Ҷумъабеков хост, дар робита ба тағйири парчами он кишвар раъйпурсӣ гузаронда шавад.
Тағйири акси нурҳои офтоб дар парчами Қирғизистонро моҳи октябри имсол Улан Примов ва раиси порлумони он кишвар Нурланбек Шакиев пешниҳод карданд.
Президенти Қирғизистон Содир Ҷабборов аз тағйири парчам ҷонибдорӣ кард.
