Додгоҳ баъди таҳқиқи амиқу бисёр тӯлонӣ гуфт, соҳибкори 67-сола, Чионг Ми Лан аз роҳи тақаллубкорӣ 12 миллиард долларро азхуд кардааст.
Ин пул 3 дарсади маҷмӯи маҳсулоти дохилии Ветнамро ташкил медиҳад. Соҳибкор охири солҳои 1980 корро аз фурӯши косметика дар як бозори шаҳри Ҳошимин сар карда, бо гузашти сол ба як олигархи калон табдил шуд. Аз ҷумла, бо роҳҳои тақаллубӣ ва эҷоди ширкатҳои кисагӣ калонтарин бонки тиҷоратии Ветнамро ба дасти худ гирифт.
Пеш аз ин бо иттиҳоми шарикӣ дар ин ҷиноят ҳамсар ва ҷиянаш ба ҳукмҳои тӯлонии зиндон маҳум шуданд.
