Гурӯҳе аз сокинони ноҳияи Бобоҷон Ғафуров барои аз даст рафтани заминҳои кишоварзиашон нигарон ҳастанд. Беш аз даҳ оила иддао доранд, ки солҳо боз тибқи шартнома қитъаҳои назди ҳавлиашонро ободу сарсабз гардонидаанд, аммо мақомоти маҳаллӣ ин заминро ба дигар шаҳрванд вогузор карданд.
Бисёре аз сокинон дар минтақаи Кӯлоб аз набудани шифохонаи махсус барои кӯдакон шикоят доранд. Мақомот мегӯянд, ки барои бунёди ин бемористон замин ҷудо шудааст, вале маълум нест корҳои сохтмонӣ кай оғоз мешаванд.
Муҳайё Маъруфзода чор моҳ боз дар бораи марги ногаҳонии духтару домод ва як наберааш меандешад. Сухан дар бораи фавти Искандар Маликӣ (Шафеиён), корманди пешини ҳукумати Исфара, ҳамсараш Муаттархон ва як фарзанди онҳо меравад. Муфаттишон марги ҳарсеро “заҳролудшавӣ аз гази карбон” гуфтанд.
Фурудгоҳи Хуҷанд, ягона нуқтаи парвозҳои байнулмилалӣ дар шимоли Тоҷикистон, соли 2025 қариб шаст миллион сомонӣ ё тақрибан шаш миллион доллар, камтар фоида дидааст.
Пизишкон дар вилояти Суғд гуфтанд, ки ҳамлаи сагон бештар шуда, хатари гирифтории одамонро ба бемории ҳорӣ зиёд кардааст. Дар соли 2025 дар ин минтақаи Тоҷикистон беш аз чаҳор ҳазор мавриди газидани саг сабт шудааст.
Дар ноҳияи Шаҳринав, дар тақрибан 50-километрии пойтахти Тоҷикистон, сегоник (се писар) таваллуд шудааст. Волидон мегӯянд, ҳарчанд аз муноисбати пизишкон розиянд, ба таваҷҷуҳ ва пуштибонии бештар ниёз доранд.
Баъд аз як соли имзои созиши марзӣ ва боз шудани роҳу марз байни Тоҷикистону Қирғизистон, сокинони ду тараф дар як ноҳияи марзӣ Наврӯзро таҷлил карданд.
Як гурӯҳ аз сокинони маҳаллае дар маркази шаҳри Хуҷанд даъво доранд, ки ҳанӯз хонаҳояшонро холӣ накарда, ширкати сохтмонии "Юсуфи Фирӯз" ва коршарики он "Рушди Хуҷанд" ба вайрон кардани бино пардохтааст. Қарор аст, дар ҷойи зисти онҳо манзилҳои бисёрқабата сохта шавад. Баҳси ҷонибҳо бар сари чист?
Фаррух Мақсудзода, сардори пешини Раёсати тандурустӣ дар вилояти Суғд, ки бо гумони ришвагирӣ дастгир шуда буд, бо пардохти 300 ҳазор сомонӣ озод гаштааст. Ӯ тақрибан се моҳро дар Боздоштгоҳ гузаронд.
Камбуди маблағ кори китобхонаҳоро дар Кӯлоб мушкил ва дӯстдорони китобро аз дастрасӣ ба адабиёти нав маҳрум кардааст.
Баъзе аз сокинони як деҳаи марзӣ дар Исфара иддао доранд, ки тақсими молу мулки табодулшуда бо Қирғизистон одилона сурат нагирифтааст. Даҳҳо хонавода дар ин гӯшаи Тоҷикистон ҳангоми ҳалли баҳси марзӣ аз ҳавливу заминҳояшон маҳрум шуданд.
Рӯде, ки Тоҷикистону Афғонистонро аз ҳам ҷудо мекунад, вақтҳои охир ба майдони тилокобӣ ва ҳамзамон мояи баҳси ду тараф табдил шудааст.
Ёфтҳои бештар
